Aurora баг тэмцээнээс хасагдах эрсдэлтэй тоглолтод Wildcard-ийн ялагч ULFHEDNAR багийг ялж, тэмцээний хасагдах аюулаас зайлсхийж чаджээ. Харин ULFHEDNAR M6 ДАШТ-ээс хасагдсан хоёр дахь баг боллоо.
Mobile Legends: Bang Bang (MLBB)-ийн M6 Дэлхийн Аварга Шалгаруулах Тэмцээний Швейцарь шатны 4 дэхь өдөр сонирхолтой тоглолтууд өрнөв. Fnatic ONIC PH ба BloodThirstyKings багууд амжилтаа ахиулхын төлөө ширүүн тулаан өрнүүлсэн бол Aurora Gaming ба ULFHEDNAR багууд тэмцээнээс хасагдахгүйн төлөө тулалдав.
Дөрөв дэхь өдрийн үр дүн
Aurora Gaming vs ULFHEDNAR
Швейцар шатны 3-р тойрогт Aurora ба ULFHEDNAR багуудын хооронд өрнөсөн хасагдах тоглолтоор өдөр эхэллээ. Филиппиний төлөөлөгч Aurora баг эхний хоёр тоглолтод бүрэн давамгайлж ULFHEDNAR багийг буулган авснаар ULFHEDNAR баг хасагдлаа.
Team Vamos vs CFU Gaming
Малайзын Team Vamos өмнөх хожлын дараа амжилтаа үргэлжлүүлнэ гэж олонх таамаглаж байсан ч CFU Gaming-ийн Khoun “Xingg” Amey өөрийн Nolan-тай гайхалтай тоглолт үзүүлэв. Түүний Gold Lane-ий цэвэрхэн тоглолт 14-хөн минутын дотор CFU Gaming-д ялалт авчирлаа.
Team Spirit vs Team Liquid ID
Team Spirit энэ тэмцээнд гайхалтай тоглолт үзүүлж байсан тул олон хүн тэднээс их зүйл хүлээж байсан юм. Харин Team Liquid ID KeepBest Gaming багийг хожсоны дараа тэмцээний амжилтаа үргэлжлүүлэн авч үлдэнэ гэж шүтэн бишрэгчид нь найдаж байлаа. Гэсэн хэдий ч Team Spirit Индонезийн багийг богино хугацаанд буулган авч, дараагийн шатны Advancement Match-д үлдэж чадлаа.
BloodThirstyKings vs Fnatic ONIC PH
BloodThirstyKings болон Fnatic ONIC PH багууд дараагийн шатанд шалгарахын төлөө шийдвэрлэх тулаан хийлээ.
Fnatic ONIC PH баг өөрсдийн шилдэг гэдгийг дахин баталж, BloodThirstyKings багийг 2-1 харьцаагаар хожиж чадлаа. Эхний тоглолтод MPL Филиппиний аварга баг 20 минутын дотор ялалт байгуулсан. Тус тоглолтод Duane “Kelra” Pillas-гийн Layla 17 минутын хөгжиж, хүрэхийн аргагүй тоглолт үзүүлснээр тоглолтын MVP болж, багтаа эхний ялалтыг авчрав.
BloodThirstyKings ч мөн хүчирхэг гэдгээ харуулж, M6-ийн хамгийн том фаворит багийн эсрэг нэг тоглолт хожиж чадлаа. Michael “MobaZane” Cosgun-гийн Fredrinn-ийн идэвхтэй тоглолт Ziameth-Jei "ZIA" "Caluya"-гийн Bruno-г хожлын гол түлхүүр болгосноор хожлын харьцааг ойртуулж чадсан юм.
Харин гурав дахь тоглолт олон хүний хүлээлтэд байсан шиг ширүүн өрсөлдөөнийг гаргаж чадсангүй. Fnatic ONIC PH багийн зохион байгуулалттай сонголтууд тэдэнд ердөө 12 минутын дотор 2-1 харьцаатай цуврал ялалт байгуулах боломжийг олгов. "Kelra"-гийн Irithel гайхалтай тоглолт үзүүлж, цувралын хоёр дахь MVP шагналыг хүртсэн юм.
Comments