Үүнийг 2018.4.4-нд бичжээ.
Гадаадын багт одоогийн байдлаар 4 тамирчин тоглож байгаа юм байна. Энхтайван буюу Machinegun Eclipce-д, Kabal, Dobu нар 5power-д, Erkast Австралийн Grayhound багт. Хавтгай болсон дэлхий дээр миний Монголын гэж бодож явсан тамирчин нэг л мэдэхэд өөр улсын, өөр багийн тамирчин болоод байна. Сайн тамирчин учраас л тэр шүүдээ.
Дахиад л...
Монголын цахим спортын тухай багахан зүйл бичих гэж байнаа.
Гадаадын багт одоогийн байдлаар 4 тамирчин тоглож байгаа юм байна. Энхтайван буюу Machinegun Eclipce-д, Kabal, Dobu нар 5power-д, Erkast Австралийн Grayhound багт. Хавтгай болсон дэлхий дээр миний Монголын гэж бодож явсан тамирчин нэг л мэдэхэд өөр улсын, өөр багийн тамирчин болоод байна. Сайн тамирчин учраас л тэр шүүдээ.
Хэдхэн хоногийн өмнө Б.Одбаяр ESL (Electronic Sport League)- спортын сувгийн Монгол дахь албан ёсны тайлбарлагч боллоо. Бас л хэдэн жилийн хөдөлмөр. Миний мэдэхийн тоглолт дамжуулах эрхээ авах гэж нэлээн юм болсон.
“Electronic sports Mongolia-New Meta” гээд нүүр номын хуудас бий. Энэ спортын талаар байнга мэдээлэл гаргадаг. Мэдээ, мэдээлэл аваад орчуулаад бичих, олон улсын нэртэй багууд, тамирчид, тоглолтын арга барилын талаар анализ гэдэг чинь үнэндээ нөр их ажил. Саяхнаас эхэлж МҮОХ-ны “Mongolian Sport Magazine”-д сар бүр мэдээлэлээ нийтэлж байхаар болж байна лээ.
Миний байнга бичээд байдаг мэргэжлийн баг The Mongolz Aвстралид тоглох эрхээ авлаа. Амархан олдсон амжилт биш.
Эмэгтэйчүүдийн “Anticlockwise” гээд баг байна. Хэдэн сарын өмнө Хятадад олон улсын тэмцээнд оролцоод ирлээ. Тоглолтын талаархи сэтгэгдлүүдийг уншихад магтаж сайшаасан комээнтүүд зөндөө зөндөө.
Тоглоомын газруудын хувьд хурдтай интернет, хүчтэй компьютер, тохитой орчин, дэг журам гээд стандарт нь өөрчлөгдөж байна.
Энэ залуучууд улсаас, төр засгаас (бүүр байхгүй), биднээс дэмжлэг байхгүй. Санхүүгийн дэмжлэг бол ёстой гонжийнжоо, сэтгэл санааны дэмжлэг гэж саналтгүй, цалин гэж түй ч байхгүй. Тийм ч учраас сайн тамирчдаа гадагшаа алдаж эхэлж байна. Иймэрхүү л байдалтай байнадаа.
Гэтэл цаана чинь айлын хүүхдүүд айхтар гэж яана. Вакум орчинд бэлтгэлээ хийдэг, 4-5 дасгалжуулагчтай (тоглолтын, тактикийн, газрын зурагны, зэвсэгийн гэх мэт) сэтгэл зүйчтэй, хэвлэлийн төлөөлөгчтэй, хоол ундыг нь тохируулдаг хүнтэй, бичиг цаасны ажлыг нь хийдэг нарийн бичигтэй, хуульчтай, зөвлөхтэй, бэлтгэл хангагч тамирчинтай, цалин цаваг ч гэж өндөр.
Энэ чинь зүгээр нэг пи си тоглоом бишээ, СПОРТ болчоод байна шүү дээ л гэж хэлэх гэсэн юм.
Ю.Ариунзаяат. АНУ. Калифорни муж. Оакланд хот. 2018.04.04.
Esportsnews.mn- мэдээллийн хуудас, esportsnewsmn Нүүр Номын хуудсууд нь Монголын болон дэлхийн цахим спортын тухай мэдээ, мэдээллийг сүүлийн 5 жилийн туршид тасралтгүй хүргэсээр ирсэн билээ. esportsnews.mn-ийн байрлаж байсан сервер 2023 оны 1-р сард Рансомвэйр вирусын халдлагат өртөж, бүх мэдээ, зураг, видео, шаардлагатай холбоосууд, хайлтын системийн бүх тоон үзүүлэлтүүд, чухал мэдээллээ алдсан. Боломжийн хэрээр файлаар хадгалсан өмнөх мэдээллүүдээ оруулахад мэдээний хугацаа, холбоотой зургуудын хувьд алдаа гарсан байх магадлалтай тул уншигч Танаас уучлалт хүсэж байна.
Comments