Энэ долоо хоногийн онцлох мэдээгээр The MongolZ баг Шанхай хотод болж байгаа Counter-Strike2 төрлийн Shanghai Major тэмцээнд 6-0 харьцаагаар хожиж, аваргын төлөө өрсөлдөх Play Off шатанд шалгарсаныг нэрлэж байна
ESPORTSNEWSMN
FaceBook хуудсандаа , CS2, PUBGM, Dota2 төрлүүд, цахим спортын бизнес, видео тоглоомын тухай 50 орчим мэдээг хүргэж, Esportsnews.mn цахим спортын мэдээллийн сайтад дараах нийтлэлүүдийг оруулжээ.
Esportrnews.mn веб сайт дээр
CS2 (COUNTER STRIKE 2)
Хятад улсын Шанхай хотод болж байгаа Major тэмцээнд The Mongolz баг Нээлттэй (Open) шатанд Rare Atom, MIBR, Gamer Legion багуудыг хожиж Хасагдах (Elimination) шатруу орсон юм. Харин тэд Хасагдах шатанд дахин гайхалтай тоглолтуудыг үзүүлж G2, MOUZ, Herioc багуудыг хожиж Play Off шатанд шалгарлаа. The MongolZ баг ийнхүү Ази тивээс Major Play Off-т шалгарсан анхны баг болжээ.
Хасагдах шатны ШИЛДЭГ 5 тоглогчдын бүрэлдэхүүнд The MongolZ багийн М.Азбаяр “Senzu” багтжээ.
Г.Эрдэнэцогт "erkaSt"-аар ахлуулсан FlyQuest багийн хувьд 17-19-р байрт орж тэмцээнээ өндөрлүүллээ.
ATOX Esports баг Chinggis Warriors багийн эсрэг Grand Final-д шалгарч BO3 тоглолт хийж 2-1 харьцаатайгаар ялалт байгуулж MESA 1xbet Asia Series #3 тэмцээний аваргууд боллоо. Тэмцээнд нийт найман баг 10 мянган ам.долларын төлөө өрсөлдсөн юм.Тэмцээний Series #1 цувралын аваргаар GR gaming, Series #2 цувралын аваргаар Atox esports багууд тодорсон.
The MongolZ баг Valve Ranking Standing үзүүлэлтээр дэлхийд эхний гуравт орж ирлээ. HLTV-ийн бета хувилбараар гаргасан Valve-ийн чансааны үзүүлэлт аливаа тэмцээний тоглолт дууссаны дараа шууд оноонд өөрчлөлт ордог юм. Хөгжүүлэгч Valve-ийн зүгээс 2025 оны бүх тэмцээнд багуудыг урихдаа энэхүү чансааны үнэлгээг баримтлах юм.
PUBGM (PLAYERS UNKNOWN BATTLEGROUND)
PUBG MOBILE төрлийн Дэлхийн Аварга Шалгаруулах Тэмцээний Grand Final энэ сарын 6-наас 8-ны хооронд Англи улсын Лондон хотод зохион байгуулагдсан бөгөөд манай улсаас Falcons Force, 4Merical Vibes (Орос улсын Brute Force баг нь визний асуудлаас болж оролцохгүй болсон тул) өрсөлдөө. 4merical Vibes баг 7-р байр, Falcons Force баг 14-р байрт тус тус шалгарчээ. Сар гаруй үргэлжилсэн тэмцээнд манай улсын IHC esports, Stalwart esports багууд Лигийн шатанд өрсөлдсөн юм.
2024 оны Дэлхийн Аварга-аар Өмнөд Солонгос улсын Dplus Kia баг тодорч, дэлхийн аваргын цомыг өргөлөө.
DOTA 2 (Defence of the Ancients)
Монголын Электрон Спортын Холбоо-ноос зохиож буй MESA Invitational тэмцээнд 3 тивийн 15 улсын 40 тамирчид ирж оролцож байна. Тэмцээнд
· Talon esports (Филлипин)
· NaVi junior (Украйн)
· Team Secret (Орос улс)
· AnimeVesta (Монгол улс)
· Aurora Gaming (Малайз)
· Yakult’s brothers (Хятад улс)
· The MongolZ (Монгол улс)
· Team Sablehat (Монгол улс) багууд оролцоно.
А.Билгүүн “423” болон М.Батсайхан “SEIMEI” нар TEAM SECRET багт тоглодог билээ. 2022 онд The International тэмцээнд финалдаж явсан Clement "Puppey" IvanovBaqyt "Zayac" Emiljanov нар Монголд ирнэ.
Тэмцээний хүрээнд MESA Core memories цуврал нэвтрүүлгээр тоглогчид “SE” “Narman”, “khishka”, “ace12”, “Caster Kn1fe” нь “Tsukimoto” нар DOTA 2-т хөл тавьсан талаар, хамгийн дурсамжит мөчүүдээсээ хуваалцлаа.
Dota2 төрлийн Монгол тоглогч Batbayasgalan "Ace12" Narankhand хэдхэн өдрийн өмнө 13k MMR хүрчээ.
Dota2 төрлийн AsiaPro League онлайн тэмцээнд The MongolZ баг аваргалж 7000 ам.долларын эзэд боллоо.
World Esports Championship 2024 тэмцээнд манай улсын баг Турк улсын багтай нийт 3 цаг гаруй тогложээ.
Монголын цахим спорт ирэх долоо хоногт
12-р сарын 12-15-нд. Counter Strike2 төрлийн Шанхай Мажор тэмцээний Play Off шатны тоглолт
12-р сарын 10-15-нд. Dota2 төрлийн MESA Invitational тэмцээн
12-р сарын 9-15-нд. Dota2 төрлийн ESL One Bangkok 2024
12-р сарын 2-9-нд. ESN- esportsnetwork-оос Монголын цахим спортын шилдгүүдийг алдаршуулах "Mongolian eSports Awards 2024"-ийн үзэгчдийн санал хураалт дуусна.
Comments