Монголын цахим спорт 2024-11.19-11.17 өдрүүдийн онцлох мэдээ: The MongolZ баг Шанхай хотод болох Major тэмцээнд шалгарч, гурав дах стикэрээ гаргахаар боллоо.
О.Сүхбат “Sanctity” маань PuckChamp багийнхаа хамтаар ESL One Bangkok тэмцээнд шалгарлаа.
ESPORTSNEWSMN
Бид Нүүр номын хуудсандаа нийт 75 мэдээлэл оруулж. харин вэбсайтдаа дараах нийтлэлүүдийг оруулжээ.
WOMEN IN ESPORTS
Esportsnews.mn-ээс хэрэгжүүлж буй Women in Esports төслийн хүрээнд эмэгтэй стриймэрүүдийг дэмжих, шинэ стриймэрүүдийг гаргах зорилгоор 𝐖𝐢𝐄 𝐒𝐭𝐫𝐞𝐚𝐦 дэд төсөл MLBB, PUBGM, CS2, Dota2 төрлүүдээр өргөжлөө. Төслийн хүрээнд Dota 2 төрлөөр стриймэр “masha” Даваа, Лхагва, Пүрэв, Баасан, Бямба гарагуудад; CS2 төрлөөр стриймэр “akics” Мягмар, Ням гарагуудад 19-22 цагийн хооронд esportsnewsmn Нүүр номын хуудас дээр шууд дамжуулалт хийж байна.
DOTA 2 (Defence of the Ancients)
О.Сүхбат “Sanctity” маань PuckChamp багийнхаа хамтаар Зүүн Европын сонгон шалгаруулалтад өрсөлдөж, Virtus.Pro, L1Ga, 1Win зэрэг багуудыг буулган авч 12 сарын 9нд эхлэх нийт нэг сая ам.долларын шагналын сантай ESL One Bangkok тэмцээнд шалгарлаа.
Харин “423” болон “Seimei”-ын Team Secret баг; khishka-гийн Castawake багууд амжилттай оролцжээ.
Монголын dota 2 төрлийн тоглогч А.Билгүүн “423” 15000 MMR оноотой боллоо.
CS2 (COUNTER STRIKE 2)
Ази Номхон Далайн бүсийн RMR тэмцээнд The MongolZ, Rare Atom, FlyQuest багууд шалгарлаа.
The MongolZ багийнханд зориулсан ханын зургийг Улаанбаатар хотын Битлзийн хөшөөний архан талд зуржээ. Энэ зургийг манай улсад албан ёсны эрхтэйгээр үйл ажиллагаа явуулдаг цахим бооцооны компани 1XBet санаачлан хийлгэсэн аж.
The Mongolz багийн хувьд Шанхай Мажорын Opening Stage-д оролцох багуудыг чансаагаараа тэргүүлж байгаа ба тэд эхний тоглолтоо Rare Atom багийн эсрэг 11 сарын 30нд хийнэ.
IESF-ээс зохиож байгаа Дэлхийн Цахим спортын Аваргын тэмцээний CS2 төрлөөр оролцсон The Huns баг тавдугаар байр эзэлж $12’500-ийн шагнал авлаа.
PUBGM (PLAYERS UNKNOWN BATTLEGROUND)
PUBGM төрлийн Дэлхийн Аваргын Лигийн шат явагдаж байна. Манай улсын 4merical vibes (163 оноо), Stalwart esports (119 оноо) багууд өрсөлдөн Survival Stage-ээс тэмцээнийг цааш үргэлжлүүлэхээр боллоо.
Surival Stage-ын тоглолтууд 11 сарын 20нд эхлэх ба тус шатанд манай улсын Stalwart, Falcons Force, 4Merical Vibes гэсэн багууд өрсөлдөхөөр болж байна. Энэ шатнаас 16 баг нь Last Chance шат руу орж, тэндээсээ шилдэг 6 баг л Гранд Финалд өрсөлдөх юм.
IESF-ээс зохиож байгаа Дэлхийн Цахим спортын Аваргын тэмцээний PUBGM төрлөөр оролцсон Stronger esports баг аравдугаар байр эзэлжээ.
ML:BB (MOBILE LEGENDS: BANG BANG)
IESF-ээс зохиож байгаа Дэлхийн Цахим спортын Аваргын тэмцээний MLBB төрлөөр оролцсон IHC esports баг 5-8-р байрыг эзэлснээр $5000-ийн шагналыг авчээ.
M6 дэлхийн аварга шалгаруулах тэмцээний WildCard шатны оноолт явагдаж
The Mongolz баг B хэсэгт Орос улсын Insilo, Бразил улсын RRQ Akira, Вьетнам улсын Legion Esport багуудтай нэг хэсэгт хуваарилагдлаа.
Мөн манай улсын тамирчин “Xeno”-ийн Geekay Esports баг A хэсэгт Лаос улсын Niightmare Esports, Турк улсын ULFHEDNAR, Хятад улсын DFYG багуудтай нэг хэсэгт орж байна.
VALORANT
MESA-аас зохиосон MVT 3: Stage 2 тэмцээний аваргаар Chinggis Warriors тодорлоо.
Chinggis Warriors баг нь MVT 3: Stage 2 тэмцээний Grand Final-ийн шатанд The MongolZ багийг 2-0 харьцаатай хожсоноор энэ удаагийн тэмцээний аваргаар тодорч тэдний амжилтыг зогсоож чадлаа.
Монголын цахим спорт ирэх долоо хоногт
11 сарын 20-23-нд. MESA Asia 1xBet Series #2
MESA Asia 1xBet тэмцээний хоёр дах цуврал 8 багийн дунд 11 сарын 20-23-ны хооронд $10’000-ийн шагналын сантайгаар зохион байгуулагдахад болно.
Series#1 Тэмцээнд тэргүүлсэн IHC Esports, GR Gaming, The Huns, Chinggis Warriors гэсэн 4 баг урилгаар оролцож байгаа бол үлдсэн 4 эрхийг Open Qualifier-с шалгарсан багууд авах болно.
11 сарын 11-19-нд. World Esports Championship 2024
Саудын Араб улсын нийслэл Эр-Рияд хотноо зохион байгуулагдах IESF World Esports Championship 2024 MLBB, MLBB Female, DOTA 2 төрлүүдийн тэмцээн болж байна.
11-р сарын 20-22-нд. PUBGM Дэлхийн Аваргын Survival шатSurvival шатанд Falcons Force, Stalwart Esports, 4Merical Vibes багуудын тоглолт болно.
11 сарын 21-24-нд. MLBB төрлийн M6. WildCard.
M6 дэлхийн аварга шалгаруулах тэмцээний WildCard шатны оноолт тоглолтууд 11 сарын 21-24ний хооронд Малайз улсын Куала Лумпур хотноо явагдана.
11-р сарын 22. The MongolZ фэнүүдтэйгээ уулзана.
Уулзалт "ROC Caffeine Bar"-д болох бөгөөд хайртай багаа дэмжиж, халуун дотно нэгэн өдрийг өнгөрүүлэх энэхүү онцгой боломжийг та бүү алдаарай.
ความคิดเห็น