Энэ долоо хоног Монголын цахим спорт 2024.10.28-11.03 гайхамшигт мэдээ. The MongolZ баг Thunderpick World Championship 2024 тэмцээнд 1-р байр эзлэн, аваргын цом, 500,000 ам.долларын шагнал авлаа.
ESPORTSNEWSMN
FaceBook хуудсандаа PUBGM, CS2, Dota2, Valorant төрлүүд, цахим спортын бизнес, видео тоглоом, Women in Esports төрлийн 57 гаруй мэдээг; Esportsnews.mn цахим спортын мэдээллийн сайтад дараах нийтлэлүүдийг оруулжээ.
WOMEN IN ESPORTS
Esportsnews.mn-ээс хэрэгжүүлж буй Women in Esports төслийн хүрээнд эмэгтэй стриймэрүүдийг дэмжих, шинэ стриймэрүүдийг гаргах зорилгоор 𝐖𝐢𝐄 𝐒𝐭𝐫𝐞𝐚𝐦 дэд төсөл MLBB, PUBGM, CS2, Dota2 төрлүүдээр өргөжлөө. Төслийн хүрээнд Dota 2 төрлөөр стриймэр “masha” Даваа, Лхагва, Пүрэв, Бямба гарагуудад; CS2 төрлөөр стриймэр “akics” Мягмар, Ням гарагуудад; PUBGM төлөөр стриймэр “bku” Баасан гарагт 19-22 цагийн хооронд esportsnewsmn Нүүр номын хуудас дээр шууд дамжуулалт хийж байна.
CS2 (COUNTER STRIKE 2)
The Mongolz баг ThunderPick WC 2024 тэмцээнд түрүүлж 500,000 ам.долларын эзэд болсноор, тэдний тэмцээн уралдаанаас олсон орлого нэг сая долларыг давж, Монголын Esport-ийн түүхэн дэх гурав дахь баг болж байна. Өмнө нь PUBGM төрлөөр IHC, Stalwart (одоогийн Falcons) багууд тус амжилтад хүрч байсан аж.
Мөн The MongolZ баг чансаагаараа дэлхийн шилдэг 5-д орлоо. Тэдний өмнө Vitality, Spirit, NaVi, G2 багууд зогсож байна.
ESL Challenger League S48 тэмцээний LAN тоглолтод манай улсын ATOX Esports баг тэмцээний 3-р байранд орж $5000-ийн эзэд боллоо.
$10'000-ийн шагналын сантай MESA Asia 1xBet Series #1 тэмцээнд Ази тивээс GR Gaming, Gods Reign гэсэн багууд урилгаар оролцож байгаа бол Open Qualifier-с Dewa United болон NOVA Esports нар шалгарч тэмцээнд оролцох эрхийг аваад байна.
VALORANT
VCT Challengers SEA Split 3 тэмцээнд The Mongolz, 123 багууд оролцож 9-12-р байруудыг эзэллээ. Тэд анх удаа өөрийн гэсэн тогтсон бүсэд тоглож байгаа юм.
MESA (Монголын Электроник спортын Холбоо)-оос зохиож байгаа MVT3: Stage 2 Тэмцээний Open Qualifier-д нийт 15 баг оролцсоноос aimXigh, Breakpoint, AURA гэсэн багууд шалгарч үндсэн тэмцээнд оролцох эрхийг авлаа.
PUBGM (PLAYERS UNKNOWN BATTLEGROUND)
Манай сурвалжлах хэсэг UG Arena-д PUBG MOBILE National Championship CA Wildcard тэмцээнийг сурвалжиллаа. 725 баг оролцсон энэ тэмцээний шилдэг 16 баг нь PMNC CA Wildcard тэмцээний Гранд Финалд өрсөлдөн WAOW GG баг аваргын цомыг өргөж, 6.000 ам.долларын эзэд болжээ. Харин “хамгийн үнэ цэнэтэй тоглогч” буюу MVP цолыг WAOW GG багийн тамирчин “tsaku” хүртжээ. PMSL CSA QUALIFIERS 2025 Тэмцээнд Монгол улсаас оролцох эрхийг WAOW GG, Running turles багууд авлаа.
Comments