Алдартай стриймэр Amouranth-ийн хамтран эзэмшдэг Wildcard Gaming баг Dota 2 ертөнцөд эргэн ирлээ

Стриймэр Kaitlyn “Amouranth” Siragusa-гийн хамтран эзэмшдэг esports баг болох Wildcard Gaming нь Apex Genesis багийн Хойд Америкийн бүрэлдэхүүнийг эгнээндээ нэгтгэснээр Dota 2-ийн ертөнцөд эргэн ирлээ.

Wildcard Gaming-ийн Dota 2 багийн бүрэлдэхүүн:

• Luke “YamSun” Wang

• Francis “RCY” Fundemera

• Victor “Fayde” Zuev

• Danilo “Bignum-” Shehovstov

• PAUL “Speeed” BOCCHICCHIO

  
  

Wildcard Gaming баг анх 2021 онд Dota 2-ийн ертөнцөд нэгдэж, Dota Pro Circuit (DPC) болон Хойд Америкийн бүсийн лигт тогтмол оролцдог байсан. Гэвч 2023 онд Valve Software DPC-г зогсоох шийдвэр гаргасны дараа тус баг чимээгүйхэн Dota 2-н ертөнцөөс гарсан юм.

Wildcard Gaming-ийн эргэн ирэлт

Wildcard Gaming энэ удаад Dota 2-оос гарсан Хойд Америкийн тоглоомын ертөнцөд шинэ түүхийг бичихээр эргэн иржээ. Тэдний хувьд Dota 2-н ертөнцөд анх хөл тавьж байснаасаа ялгаатай нь, энэ удаад алдартай стриймэр "Amouranth"-ийн хамтран эзэмшил дор ажиллаж байна.

Amouranth нь олон платформ дээр хандалт өндөртэй дэлхийн хамгийн алдартай контент бүтээгчдийн нэг юм. Тэрээр X (хуучнаар Twitter) дээр 3.8 сая, Twitch дээр 6.2 сая дагагчтай байна. Түүний хувьд 2024 оны 6-р сард Wildcard Gaming-ийн хамтран эзэмшигч болсон бөгөөд энэ нь түүний esports салбарт хөрөнгө оруулсан анхны алхам байв.

Одоо Wildcard Gaming нь дараах гурван төрөлд багтай:

• Counter-Strike 2 (CS2)

• Rainbow Six: Siege

• Dota 2

Amouranth багийн тоглогчдоо дэмжихэд идэвхтэй оролцож, DreamHack Atlanta CS2 тэмцээн зэрэг арга хэмжээнд биечлэн оролцожээ.

Хойд Америкийн Dota 2-д найдварын оч гэрэлтэж байна

Энэхүү зарлал нь сүүлийн жилүүдэд ихээхэн хүндрэлийг даван туулж буй Хойд Америкийн Dota 2-ийн ертөнцөд итгэл найдварын оч асааж байна. Evil Geniuses Dota 2-оос гарч, Nouns Esports 2024 оны The International тэмцээний дараа тарж, Cloud9 баг идэвхгүй байдалд байгаа зэрэг шалтгаанаар бүс нутаг хүнд байдалд орсон.

Хойд Америкийн томоохон багууд уралдаанд оролцоогүй энэ үед Wildcard-ийн эргэн ирэлт сайшаалтай хэрэг боллоо. Гэсэн хэдий ч багийн бүрэлдэхүүн tier-one уралдаанд оролцох туршлагагүй бөгөөд хөгжихөд тодорхой хугацаа шаардагдана.

Wildcard баг DreamLeague Season 25: North America-ийн сонгон шалгаруулалтад оролцож байгаа бөгөөд PGL Wallachia Season 3, FISSURE PLAYGROUND #1 зэрэг ирэх тэмцээнүүдэд өрсөлдөх бэлтгэлээ базааж байна.