The Finals өөрийн анхны албан ёсны esports тэмцээнийг 2025 онд зохион байгуулахаар зарлалаа.
Тэмцээн энэ оны дөрөвдүгээр улиралд болох бөгөөд Embark Studios-ийн хөгжүүлсэн энэхүү тоглоомын (FPS) анхны LAN арга хэмжээ байх юм.
Үүнтэй зэрэгцэн Embark Studios тоглоомын esports-д чиглэсэн хэд хэдэн шинэчлэлтийг зарлаж, тэдгээрийг 3-р сард гарах Season 6-ийн хүрээнд нэвтрүүлэхээ мэдэгдлээ.
Шинэчлэлүүдэд тоглогчид болон тэмцээн зохион байгуулагчдад илүү их хяналт өгөх “сайжруулсан хувийн тоглолтын горим”, мөн үзэгчдийн туршлагыг дээшлүүлэх сайжруулсан ажиглагчийн горим багтаж байна.
Анхны албан ёсны тэмцээн 100,000$ (~£78,440) шагналын сантай байх бөгөөд дэлхийн өнцөг булан бүрээс бүх тоглогчид нээлттэй оролцох боломжтой.
Тус студийн албан ёсны блогт “Esports үргэлж The Finals тоглоомд тохирох зүйл байсан. Бид тоглоомыг дээд түвшний өрсөлдөөнд бэлэн болгохоор ажиллаж байна.” гэжээ.
Мөн тэмцээний формат болон сонгон шалгаруулалтын процесс одоогоор эцэслэгдээгүй бөгөөд эдгээр мэдээллийг удахгүй танилцуулах аж.
The Finals Esports
The Finals 2023 оны 12-р сард гарсны дараа тоглогчдын тоогоор гайхалтай амжилт үзүүлсэн ч цаашид тоо тогтвортой буурсаар байгаа.
Steam Charts-ийн мэдээлснээр, сүүлийн 30 хоногийн дундаж тоглогчдын тоо 11,576 байгаа бол гарсан үедээ 120,211 байсан нь 90%-иар буурсан гэдгийг харуулж байна.
Гэвч анхны esports арга хэмжээ, тэр дундаа нээлттэй сонгон шалгаруулалт болон томоохон шагналын сан нь тоглоомыг дахин алдартай болгох боломжтой. Түүнчлэн, Marvel Rivals зэрэг бусад тоглоомууд руу өргөжиж буй олон esports байгууллагууд шинэ тоглоомуудад анхаарал хандуулж байгаа учир The Finals-ийн анхны тэмцээн тэдний сонирхлыг татаж, шинэ багуудыг гарч ирэхэд түлхэц өгөх боломжтой юм.
Comments