Summer ML хуудаснаас бичдэг Монголын MLBB тамирчдын тухай цувралын дугаар 4-ийг танилцуулж байна.
“Kidbomba”: "There's this one Mongolian player, Xeno, such a good player, keep an eye on him"
Нутгаасаа хальж, алс Европыг өөрийнхөө чадвараар эзэгнэсэн Баатархүүгийн Ананд “Xeno” өдийг хүртэл ямар зам туулж өнөөдөрт хүрснийг THE BACKSTORY цувралын энэ удаагийн дугаараараа нэгд нэгэнгүй өчье өө.
2020 оны дундуур анх ML-ийг найзуудтайгаа зугаацах гэж л тоглодог байсан Ананд 2021 онд тухайн үеийн Elusive гэдэг багийн эзэн “Haagii”-тай таарч, багт нь орсноор “Onfroy”, “Maral” (Munguunu) нартай нэгдэн, түүний карьер эхэлсэн байдаг.
Анхны тэмцээн болох City Cup-д тухайн үед highest rank нь ердөө 900 point байх үедээ тэмцээний шилдэг marksman-аар тодорч байв. Тэр үеийн Team Positive-н эсрэг тун сайн тоглолтыг үзүүлсэн тул “Ethan”, “Empress” (Empy) тэргүүтэй тоглогчидтой танилцан цуг тоглодог болов.
Удалгүй “Humblegod” (Замилан)-той танилцаж, 1Year багийг нээн, Skytel-ын тэмцээнд 2 багаараа орон, 1, 3-р байрыг эзэлж байлаа.
(Fun fact: “Xeno”-гийн нөгөө багт нь “Zxaura”, “Эрхэс”, “Fale” нар байсан)
Цаашдаа “Xeno” карьер хөөж Unselfish багтай JigJug Invitational тэмцээнд түрүүлсэн нь анхны том амжилт нь байв.
Unselfish тарж, 1Year-ийг “Shen”, “Maral”, “Fale”, “Yuk” гэсэн roster-тойгоор ахиж босгон, карьераа цаашаа хөөнө гэж бодсон боловч гэнэт Франц явахаар болон, 2022 оны 6-р сард ганц оролцож амжсан MESA PROWAVE тэмцээндээ 2-р байрыг эзлэв.
Францад очсныхоо дараа Монголчуудтайгаа цуг тоглодог болсон “Xeno”-г удалгүй Европчууд таниж эхлэн, Nexus Myth гэдэг багт орж LPS EU CUP тэмцээнд 3-р байрыг эзлэв.
2022 оны 10-р сард Европын хамгийн хүчтэй баг Rogue-д “Kidbomba”-гийн урилгаар орж, “Xeno” өөрийн чадварыг үлэмж ихээр нэмэгдүүлсэн байдаг.
Гэвч сайны хажуугаар саар гэгчээр “Xeno”-г тухайн үеийн багийн андууд болох “Kidbomba”, “Marlboro” нартай нь цуг Dikson гэгч нөхөр багтаа авч цалинтай тоглуулна, Филиппин улсад bootcamp хийнэ гэх зэргээр чихэн дээр нь цэцэг ургуулаад, багийг нь хагаралдуулсныхаа дараагаар алга болоод өгсөн буй.
Удалгүй Rogue баг “Xeno”, “Carvi”, “Kidbomba”, “Enzo”, “Marlboro” гэсэн бүрэлдэхүүнтэйгээр эргэж ирэн, Европын ranked-г самарж байтал хэдэн атаархуу этгээдүүд тэдний чатыг photoshop-доод Moonton-руу удаа дараа report ирүүлсэн нь амжилттай болж, “Xeno” маань 5 удаа ML-ээс бандуулсан байдаг.
Энэ байдлаас залхсан багийн нөхөр “Kidbomba” нь удалгүй Deus Vult багт “Carvi”-г дагуулж ороод, М5-д 4-р байранд орсон нь “Xeno”-д цаашаа явах ёстой гэсэн сэдлийг нь улам асаав.
2024 оны 1-р сард Geekay Esports, 2024 оны 2-р сард Team Spirit-ээс “Xeno”-д урилга ирсэн ч бичиг баримтны асуудлаас болоод Францаас гарах боломжгүй байсан тул татгалзахаас өөр аргагүй байдалд хүрч байв.
2024 оны 3-р сард бичиг баримтны асуудлаа цэгцлээд, The MongolZ-д орохоор аман тохиролцоо хийсэн байх үед нь “Carvi” хамт явах талаар асуугаад, цуг ирсэн билээ.
За тэгээд Монголынхоо 2 том тэмцээнд мөнгөн медал зүүчихээд байж байтал Geekay Esports, Falcons тэргүүтэй багуудаас санал ирж, Geekay Esports-д нэгдсэн байдаг.
Монголын хамгийн анхны MPL-н тоглогч, хамгийн өргөн цар хүрээтэй, амжилттай карьертай энэ тоглогч одоо дэлхийн аваргын appearance-н төлөө Ойрх Дорнодын ML-г хөдөлгөж байна.
2024 оны 9-р сарын 18
Comments