Rainbow Six Siege-ийн хамгийн том цахим спортын арга хэмжээ болох Six Invitational 2025 нь 2-р сарын 3-наас 16-ны хооронд АНУ-ын Бостон хотын MGM Music Hall at Fenway-д зохион байгуулагдана. Энэ тэмцээнд дэлхийн шилдэг 20 баг $3 сая ам.долларын шагналын сангийн төлөө өрсөлдөх юм.
Формат
Тэмцээн нь гурван үе шаттай: "Бүлгийн шат", "Плейофф" болон "Финал".
Бүлгийн шат: 20 багийг таван багтай дөрвөн бүлэгт хувааж, тойргийн системээр (Round Robin) тоглоно. Бүх тоглолт гурван map-ын шилдэг (Bo3) форматаар явагдана. Бүлэг бүрийн эхний дөрвөн баг плейоффт шалгарч, сүүлийн байр эзэлсэн баг тэмцээнээс хасагдана.
Плейофф: 16 баг давхар хасагдах (double-elimination) системээр явагдана. Бүх тоглолт гурван map-ын шилдэг (Bo3) форматаар явагдах бөгөөд финалын тоглолт таван map-ын шилдэг (Bo5) форматаар болно.
Хуваарь
Бүлгийн шат: 2-р сарын 3-наас 7-ны хооронд болно.
Плейофф: 2-р сарын 9-нөөс 11-ний хооронд болно.
Финал: 2-р сарын 14-нөөс 16-ны хооронд болно.
Бүлгийн шат болон плейоффын эхний хэсэг нь олон нийтэд нээлттэй болохгүй ч, финалын шатанд (2-р сарын 14-16) үзэгчид тасалбар худалдан авч дэргэдээс нь үзэх боломжтой. Тасалбарыг Ticketmaster-аар худалдах юм.
Шагналын сан
Нэгдүгээр байр - 1 сая ам.доллар
Хоёрдугаар байр - 450 мянган ам.доллар
Гуравдугаар байр - 240 мянган ам.доллар
Дөрөвдүгээр байр - 170 мянган ам.доллар
Тав, зургаадугаар байр - 135 мянган ам.доллар
Анхаарал татах багууд
W7M Esports: Өмнөх жилийн аварга баг бөгөөд энэ жил шинэ бүрэлдэхүүнтэйгээр оролцож байна.
FURIA Esports: W7M-ийн хуучин бүрэлдэхүүнтэй энэ баг 2024 оны BLAST R6 Major Montreal тэмцээнд түрүүлсэн.
Team BDS: Дэлхийн чансааг тэргүүлж буй энэ баг өнгөрсөн жил хоёр ч удаа хоёрдугаар байр эзэлсэн.
FaZe Clan: Бразилын бүсийн лигт давамгайлж, 2024 онд хоёр удаа эхний байр эзэлсэн.
Хэрхэн үзэх вэ?
Тэмцээнийг Rainbow Six-ийн албан ёсны Twitch болон YouTube сувгуудаар шууд дамжуулна. Мөн үзэгчдэд зориулсан Twitch дропууд байх тул шууд дамжуулалтыг үзэх боломжтой.
Rainbow Six Siege
"Rainbow Six Siege" нь Ubisoft компанийн хөгжүүлсэн, тактикийн ангийн шутер төрлийн видео тоглоом юм. Тоглоомыг PlayStation 5, PlayStation 4, Xbox One, компьютер зэрэгт суулгаж тоглох боломжтой бөгөөд дэлхий даяар өргөн хүрээнд тоглогддог байна. Мөн Rainbow Six Siege-н олон улсын хэмжээний тэмцээнүүд зохион байгуулагддаг. Тэдгээрийн дотроос хамгийн нэр хүндтэй нь жил бүр зохион байгуулагддаг "Six Invitational" тэмцээн юм. Энэ тэмцээнд дэлхийн шилдэг багууд оролцож, аваргын төлөө өрсөлддөг. 2025 оны "Six Invitational" тэмцээн анх удаа АНУ-ын Бостон хотод зохион байгуулагдах гэж байна.
Comments