Riot Games нь Ази-Номхон Далайн бүсийн бүсийн лиг болох League of Legends Championship Pacific (LCP)-ийн оролцогч багуудын жагсаалтыг танилцууллаа.
LCP нь Япон, Тайвань, Вьетнам, Океани дахь өмнөх тусдаа лигүүдийг нэгтгэн зохион байгуулагдах бөгөөд Riot Games-ийн сонголт нь хэд хэдэн шалгуурын дагуу хийгдсэн байна.
2025 оны LCP-д оролцох дөрвөн түнш баг:
CTBC Flying Oyster,
Fukuoka SoftBank HAWKS gaming,
GAM Esports,
PSG Talon
Зочин багуудаар дөрвөн баг:
Chiefs Esports Club,
DetonatioN FocusMe,
Team Whales, болон
Vikings Esports юм.
Эдгээр багуудыг Riot Games нь өрсөлдөх чадвар, амжилт, фандом, мөн ирээдүйн инновацын талаарх санаачилга зэрэг олон шалгуурыг үндэслэн сонгосон байна. Уг бүрэлдэхүүн нь нийтдээ гурван VCS, хоёр PCS, хоёр LJL, болон нэг LCO багийг агуулж байна.
Зочин багууд нь тус бүрийн улирал дууссаны дараа хамгийн сайн гүйцэтгэлтэй багуудтай өрсөлдөж, өөрсдийн байр сууриа хамгаалах ёстой.
Шинэ тогтолцооны дагуу Тайланд, Филиппин, Индонез, Малайз зэрэг улсаас багуудыг урьж оролцуулах боломжтой гэж Riot Games мэдэгдсэн.
2025 оны улирал нь нийт гурван хэсэг буюу Season Kickoff, Mid-Season, Season Finals гэж явагдана. Улирлын сүүлийн шатанд багууд нь 2025 оны Дэлхийн аварга шалгаруулах тэмцээнд (Worlds 2025) өрсөлдөх гурван эрхийн төлөө тоглох юм. Worlds 2025 нь ирэх жил Хятад улсад болно гэж төлөвлөж байна.
Comments