PUBG Mobile Дэлхийн Аварга Шалгаруулах Тэмцээний ялагчаар Өмнөд Солонгосын Dplus Kia баг тодорчээ

PUBG Mobile Дэлхийн Аварга Шалгаруулах Тэмцээн (PMGC) 2024 Гранд Финал арванхоёрдугаар сарын 6-наас 8-ны өдрүүдэд Английн Лондон хотод зохион байгуулагдаж, 16 баг $1,420,000 ам.долларын шагналын сангийн төлөө өрсөлдлөө.

Тэмцээний тухай ерөнхий мэдээлэл:

MGC 2024-г Krafton, Level Infinite, VSPO байгууллагууд хамтран зохион байгуулж байгаа бөгөөд энэ нь 2024 оны PUBG Mobile-ийн мэргэжлийн улирлын сүүлийн тэмцээн юм.

Гранд Финалд 16 баг оролцосон. Үүнд:

Зохион байгуулагч орноос нэг баг шууд урилгаар оролцлоо.
Бүлгийн шатнаас 9 баг, Last Chance шатнаас 6 баг шалгарч, аваргын төлөө өрсөлдөх эрхээ авсан байна.

Гранд Финалын зохион байгуулалт:

Нийт 18 тоглолт 3 өдрийн турш тойргийн хэлбэрээр явагдана.
Оролцох багууд: Alpha 7 Esports, 4Merical Vibes, DRX, Influence Rage, Natus Vincere, Nigma Galaxy, Team Spirit, TJB, ThunderTalk, Falcons Force, Insilio, The Vicious, VOIN Donkey, RC Bra, Dplus KIA, Guild Esports.
4Merical Vibes баг Brute Force-ийг орлож байгаа бөгөөд Brute Force визний асуудлаас болж тэмцээнд оролцож чадаагүй.
Тэмцээнийг Лондоны Excel Auditorium-д болсон.

Шагналын сан:

Нийт шагналын сан: $3 сая ам.доллар.
Гранд Финалын шагналын сан: $1,420,000 ам.доллар.
- Аварга баг: $400,000
- Хоёрдугаар байр: $200,000
- Гуравдугаар байр: $120,000
- Дөрөвдүгээр байр: $80,000

Лигийн шат:

Лигийн шат болон Гранд Финал гэсэн хоёр үе шаттайгаар зохион байгуулагдсан.
Лигийн шат 10-р сарын 31-ээс 11-р сарын 17-ны хооронд болсон бөгөөд 48 баг оролцжээ.
Бүлгийн шат, Хасагдах шат, Last Chance гэсэн гурван үе шаттайгаар явагдсан.
- Бүлгийн шатанд 16 багтай 3 бүлэг өрсөлдсөн. Бүлэг тус бүр 24 тоглолт хийсэн.
- Шилдэг 3 баг Гранд Финалд шууд шалгарсан. 4-11-р байрын багууд Last Chance шатанд, харин хамгийн доод байр эзэлсэн 5 баг тэмцээнээс хасагдсан.
- Хасагдах шатанд 24 баг 18 тоглолт хийж, 16 баг Last Chance шат руу шилжсэн.
- Last Chance шатанд 16 баг 12 тоглолт хийж, шилдэг 6 баг Гранд Финалд шалгарсан.

Монгол багуудын тухай:

Тухайн тэмцээнд Монгол улсаа төлөөлөн FALCONS болон 4MV багууд оролцосон.

4Merical Vibes багын бүрэлдэхүүн:

Bat-erdene "APEX" Orgil-erdene
Davaajargal "B4RON" Naranbaatar
Uuganbayar "DOK" Dulguun
Amgalan "REFUS" Ankhbileg
Bayart "AERO" Bolormaa

Falcons Force багын бүрэлдэхүүн:

Suhbat "Action" Galtsalam
Tengis "ICY" Batnasan
Nur "NIRZED" Zed
Burenbayar "TOP" Altangerel
Batmunkh "EAST" Munkhbold

4Merical Vibes баг Дэлхийн Аваргын эхний өдрийн дараах дүнгээр 6 тоглолтоос 63 оноо цуглуулж жагсаалтыг тэргүүлж байв. Гэвч хоёр дахь өдрийн дараах дүнгээр 86 оноотойгоор 4 байр ухарч 5 дагаар байранд бичигджээ. Харин Falcons Force баг эхний тоглолтод Chicken хийж чадсан ч 28 оноотойгоор 11-р байранд жагсаж байсан. Тэдний хувьд хоёр дахь өдрийн дараах дүнгээр 49 оноотойгоор нэг байр ухарч, 12-р байранд бичигдсэн байна.

Тэмцээний сүүлийн өдөр Монгол багуудын хувьд хангалттай оноо цуглуулж чадаагүй байна. Ингэснээр 18 тоглолтын үр дүнд 4Merical Vibes баг 104 оноотойгоор долдугаар байр эзэлж, 80 мянган ам.долларын шагнао хүртсэн. Харин Falcons Force баг 71 оноотойгоор арвандарав дүгээр байр эзэлж, 63 мянган ам.долларын шагнал хүртжээ.

4Merical Vibes баг PUBG Mobile Дэлхийн Аварга Шалгаруулах Тэмцээний нэг тоглолтод хамгийн олон буюу 23 kill хийснээр нэг тоглолтод хийсэн kill-н дээд амжилтыг тогтоожээ.