Компьютерийн тоног төхөөрөмжийн Acer брэндээс жил бүр зохиодог Predator League тэмцээний Монгол улсын шалгаруулалт 2024 оны 11-р сарын 2-9-ний өдрүүдэд зохиогдлоо.
Нийт гучин хоёр баг тоглосноос, гурван баг финалын шатанд өрсөлдөж тэргүүн байрыг 123 баг эзэлж 4,000 долларын мөнгөн шагнал, Predator League ялагчийн бамбай, Predator League 2025 Ази Номхон далайн орнуудын аварга шалгаруулах тэмцээнд Монгол улсаа төлөөлөн оролцох эрхээр шагнууллаа. Тэмцээнд оролцох бүх зардлыг Acer брэнд бүрэн хариуцаж байна.
Хоёрдугаар байрт Bobby баг шалгарч 2,000 ам.доллар
Гуравдугаар байрт RBB Gaming баг шалгарч 1,000 ам.долларын мөнгөн шагналыг авчээ.
Тэмцээний тухай
Predator League 2025 гранд финалын тэмцээн 2025 оны 1 сард Малайз улсын Куала Лумпур хотноо зохион байгуулагдах ба Ази, Номхон далайн орнуудын шилдэг багууд Dota2 болон Volarant төрлөөр оролцож, 400,000$-ийн шагналын сангийн төлөө өрсөлдөх юм.
Acer компаниас зохион байгуулдаг цахим спортын Predator League тэмцээн нь 2018 оноос хойш жил бүр зохион байгуулагдаж, Predator League Grand Final тэмцээнүүд Индонез, Тайланд, Япон, Филиппин улсуудад LAN хэлбэрээр зохиогдсон. Энэ оны Гранд Финалийн тэмцээн Малайз улсын Куала Лумпур хотод болно.. Анхны тэмцээнд ердөө 8 улсаас оролцож байсан бол одоо 15 гаруй бүс нутгаас ирсэн багууд оролцож, нийт 1.75 сая ам.долларын шагналыг цахим спорт сонирхогч хүүхэд залуусд олгожээ.
Predator League Mongolia 2019 тэмцээний ялагчаар Team YG баг шалгарч, Тайландын Бангкок хотноо болсон Ази Номхон далайн орнуудын аварга шалгаруулах Гранд финал тэмцээнд амжилттай оролцсон.
Predator League Mongolia 2020/2021 тэмцээний ялагчаар Team IMG баг шалгарч, онлайнаар Grand Final тэмцээний Dota 2 Asia бүсийн тоглолтод 2-р байрт шалгарсан амжилт үзүүлсэн.
Predator League Mongolia 2023 тэмцээний ялагчаар Team Lilgun баг шалгарч, Япон улсын Токио хотноо Grand Final тэмцээнд амжилттай оролцсон билээ.
Predator League Mongolia 2024 тэмцээний ялагчаар IHC Esports баг шалгарч, Филиппин улсын Манила хотноо зохиогдсон Grand Final тэмцээнд амжилттай оролцсон.
Acer брэндийн тухай
1976 онд байгуулагдсан Acer брэнд амьдралын чанарыг сайжруулахад туслах компьютер тоног төхөөрөмж, программ хангамж болон түүнтэй холбоотой үйлчилгээнүүдийг олон жилийн судалгаа шинжилгээнд үндэслэн бүтээж, хэрэглэгчдэдээ хүргэдэг юм. Компьютер, дэлгэц, проектор, сервер, таблет, ухаалаг утас болон ухаалаг төхөөрөмжүүдийг үйлдвэрлэдэг ба тэдгээртэй холбоотой үүлэн технологид суурилсан шийдлүүдийг мөн хүргэдэг.
2016 онд Acer брэнд 40 жилийн ойгоо тэмдэглэсэн бөгөөд компьютерын зах зээлд тэргүүлэгчдийн нэг болсон тус компанид дэлхийн 160 оронд 7000 гаруй чадварлаг ажилтнууд ажилладаг билээ. Acer компанийн тухай дэлгэрэнгүй мэдээлэл авахыг хүсвэл www.acer.com вэбсайтад хандана уу.
Comments