OpTic Texas баг Call of Duty League (CDL)-ийн энэ оны хоёр дахь том тэмцээний өмнө Kenny ‘Kenny’ Williams-ийг гарааны бүрэлдэхүүнээсээ хасах болсноо зарлалаа.
Энэхүү өөрчлөлт нь багийн хувьд түүхэн дэх хамгийн муу ялалт-хожигдлын харьцааг үзүүлсний дараа гарсан шийдвэр юм. Major 2-ын урьдчилсан шатанд OpTic Texas 18 дараалан хожигдсон бөгөөд зөвхөн сүүлчийн тоглолтдоо Los Angeles Guerrillas M8 багийг ялж чадсан байна.
Фэнүүдийн хариу үйлдэл
CDL-ийн 2024 оны аварга болсон баг ийм гэнэтийн үр дүн үзүүлж буй нь олон хүнийг гайхшируулж байна. Гэсэн хэдий ч "Kenny"-г хасах шийдвэр фэнүүдийн дунд талцал үүсгээд байгаа юм.
Нэгэн фэн:
“Хэн IGL (тоглолтыг удирдах хүн) болох юм бэ?”
Өөр нэгэн фэн:
“Яагаад ийм орой шийдвэр гаргав?”
OpTic Texas баг одоогоор "Kenny"-г орлох тоглогчоо зарлаагүй байгаа боловч, түүний оронд Cesar ‘Skyz’ Bueno ирж магадгүй юм. "Skyz" нь 25 настай 2023 онд New York Subliners багийн хамтаар CDL аварга болсон бөгөөд одоогоор Los Angeles Guerrillas M8 багийн сэлгээний тоглогчоор бүртгэлтэй байгаа.
OpTic Texas-ийн сүүлийн үеийн өөрчлөлтүүд
"Kenny"-г явуулснаар Call of Duty: Black Ops 6 тоглоом CDL-ийн албан ёсны тэмцээний төрөл болж орсноос хойших багийн бүрэлдэхүүнд хоёр дахь том өөрчлөлт боллоо.
Үүний өмнө, 2025 оны хоёрдугаар сард Amer ‘Pred’ Zulbeari-ийг эргэн авч, Cuyler ‘Huke’ Garland-ыг сольсон билээ. "Huke" нь CDL-ийн анхны Major тэмцээн болох Мадридын (Испани) тэмцээнд OpTic Texas-ийг төлөөлөн оролцсон ч дараа нь бүрэлдэхүүнээс хасагдсан юм.
CDL Major 2 тэмцээний талаар
CDL Major 2025 оны хоёр дахь тэмцээн OpTic Texas багийн нутагт буюу Texas мужийн Allen хотын Credit Union of Texas Event Center-д гуравдугаар сарын 20-23-ны өдрүүдэд болно.
OpTic Texas баг тэмцээнийг elimination bracket (хасагдах шат)-аас эхлүүлэх бөгөөд нэг ялагдал нь тэднийг шууд тэмцээнээс хасагдах эрсдэлд оруулсан байгаа.
Comments