Nomadic Masters Studio LAN тэмцээн

MESA (Mongolian Esports Association) Монгол улсын цахим спортын түүхэнд байгаагүй өндөр шагнал болох зуун мянган долларын шагналын сантай, CS2 төрлийн MESA Nomadic Masters 2024 тэмцээний эхний тоглолтууд Studio LAN хэлбэрээр явагдлаа.

Тэмцээний эхний шат болох Studio Lan тэмцээн 5-р сарын 28-30-ны хооронд Азийн бүсээс 1 баг, Европ бүсээс 4 баг, Монгол улсаас 3 багууд өрсөлдлөө.

5-р сарын 30-ны өдрийн тоглолт

Дээд хүснэгтийн тоглолт

Bleed Esports vs Atox Esports

Тоглолтын хамгийн үзүүштэй тоглогчдоор: Bleed Esports багаас “Nawwk”, Atox esports багаас “Annihilation” онцолж байлаа.

Atox esports баг өөрсдийн сонгосон Inferno map дээр 13:10 харьцаатай хожиж тоглолтыг хожлоор эхлүүллээ.
Харин дараа нь Bleed esports баг сонгосон Anubis map дээр 13:9 харьцаатай цувралыг тэнцүүллээ.
Шийдэх тоглолт буюу Ancient map дээр 13:6 харьцаагаар Bleed esports баг хожсоноор тооны харьцаа 2:1 болж, Atox esports баг хожигдол хүлээв.

Bleed Esports 2:1 Atox Esports

Bleed esports баг Тайзны тоглолтыг Дээд хүснэгтээс The MongolZ багтай хийж эхлүүлэх бол, Atox esports баг доод хүснэгт рүү уналаа.

Доод хүснэгтийн тоглолт №1

Lynn Vision vs Gaimin Gladiators

Энэ тоглолтод хоёр map хожигдсон баг нь тэмцээнээс хожигдоно.

Lynn Vision багийн сонгосон Nuke map дээр 13:6 харьцаагаар Gaimin Gladiators баг цувралыг ялалтаар эхлүүлэв.
Дараагийн тоглолт нь Gaimin Gladiators багийн сонгосон Inferno map дээр тоглолт маш ширүүн болж 12:5 харьцаагаар match point-ийн үед Lynn Vision багийн хувьд илт давуу байдал үүслээ. Lynn Vision баг 13:9 харьцаагаар цувралын 1:1 болголооо.
Шийдэх тоглолтыг Dust 2 map дээр хийв. Хэдийгээр каст, аналистууд Gaimin Gladiators багийг хожно гэж тааварлаж байсан ч Lynn Vision баг тоглолтыг эргүүлж Тайзан дээр тоглох эрхээ авсан бол, Gaimin Gladiators баг тэмцээнээс хасагдлаа.

Lynn Vision 2:1 Gaimin Gladiators

Доод хүснэгтийн тоглолт №2

Chinggis Warriors vs OG Counter-Strike

Эхний мар OG багийн сонгосон Dust2 map дээр 13:5 харьцаагаар OG баг цувралыг ялалтаар эхлүүллээ.
Дараагийн тоглолт дээр Chinggis Warriors баг өөрсдийн сонгосон Ancient map дээр тоглолтыг нэлээд давшингуй хийж, маш шуурхай, өрсөлдөгч багтаа сэхээ өгөхгүйгээр шууд дайрч эхэллээ. Ийнхүү маш хурдтай, давшиж тоглон Chinggis Warriors баг 13:5 харьцаатайгаар илүүрхэн хожив.
Гуравдах шийдвэрлэх тоглолтыг Anubis map дээр хийж Chinggis Wariors баг 12:0 харьцаатай илт илүүрхэж, 13:4 харьцаагаар хожиж, Тайзан дээр тоглох эрхээ авсан бол OG баг тэмцээнээс хасагдлаа.