Natus Vincere (NAVI) эмэгтэйчүүдийн CS баг болох NAVI Javelins-тэй гэрээгээ цуцалж, энэ салбараас гарснаа зарлалаа. Байгууллагын вэбсайтад нийтэлсэн мэдэгдэлд NAVI эмэгтэйчүүдийн CS-ийн бизнес загвар нь "тогтвортой биш бөгөөд урт хугацааны төлөвлөлт хийх боломжгүй" гэж тайлбарласан байна.
Энэхүү мэдээ нь тус багийн тоглогчид нийгмийн сүлжээнд NAVI тэднийг шинэ сонголт хайхыг зөвшөөрсөн тухай нийтэлснээс ердөө гурван долоо хоногийн дараа гарчээ.
NAVI нь эмэгтэйчүүдийн CS-ийн ертөнцөд 2022 оны 4-р сард ESL Impact Season 1 тэмцээний өмнө Польшийн Totalne Gituwy багийг элсүүлснээр орж ирсэн. Тус баг тухайн жилдээ IESF эмэгтэйчүүдийн дэлхийн аварга шалгаруулах тэмцээнд түрүүлж, ESL Impact тэмцээнд 2-р байранд орсон байна.
Мөн 2023 оны 8-р сард NAVI Javelins баг бүрэлдэхүүнээ өөрчилж, Польш тоглогчдоос гадна NIP Impact болон GUILD fe-ийн хуучин тоглогчид болох Францын Mayline-Joy "ASTRA" Champliaud болон Португалийн Marta "D7" Asensio нарыг элсүүлжээ. Ингэснээр баг 11-р сард ESL Impact League Season 6-ын шигшээ тэмцээнд эхний дөрөвт багтсан юм.
Одоогоор тоглогчдын ирээдүйн төлөвлөгөө тодорхойгүй байгаа ч тэд тус тусын замаар явах магадлалтайг HLTV мэдээлсэн байна.
NAVI Javelins багийн бүрэлдэхүүн:
Польш: Wiktoria "vicu" Janicka
Польш: Hania "Hanka" Pudlis
Польш: Angelika "Angelka" Kozłowska
Франц: Mayline-Joy "ASTRA" Champliaud
Португал: Marta "D7" Asensio
Польш: Adrian "AlcesT" Chyziak (Дасгалжуулагч)
Энэ нь NAVI эмэгтэйчүүдийн багийг цомхотгосон бусад багуудын жишээг дагасан хэрэг юм. ESL Impact Season 6-аас хойш ENCE, TSM, Astralis, Virtus.pro зэрэг байгууллагууд эмэгтэйчүүдийн багаа зогсоосон байна.
Comments