NAVI баг Eastern Europe-ийн бүсийн шалгаруулалтад амжилттай оролцож, ESL One Bangkok 2024 тэмцээнд оролцох эрхээ авсан PuckChamp багийн бүрэлдэхүүнийг худалдан авлаа.
Аравдугаар сард NAVI өөрийн үндсэн бүрэлдэхүүнээ бүрэн идэвхгүй болгож, зөвхөн залуучуудын Natus Vincere Junior багийг Dota 2-ийн эгнээндээ үлдээсэн юм. TI 2019-ээс хойш The International тэмцээнд оролцож чадаагүй NAVI багийнхан өөрсдийн алдар нэрийг сэргээх чадварлаг баг бүрдүүлэхээр хичээж буй нь энэ. Тус багийнхан анхны The International тэмцээнд түрүүлж, TI 2012 болон 2013-д финалд шалгарч байсан түүхтэй.
PuckChamp багийнхан ESL One Bangkok тэмцээний Eastern Europe бүсийн шалгаруулалтад гайхалтай тоглолтууд үзүүлснээр NAVI-гийн анхаарлыг татаж, бүрэлдэхүүнээ худалдан авахад хүргэжээ. Тэд нээлттэй шалгаруулалтаас эхлэн амжилттай тоглож, 1win, Virtus.pro зэрэг алдартай багуудыг хожин, бүсийн аварга болсон байна.
Энэхүү шинэ бүрэлдэхүүнд туршлагатай тоглогчид болох Indji “Shad” Lub, Miroslav “BOOM” Bičan, Oleh “Kaori” Medvedok, мөн ирээдүйтэй авьяастнууд болох Отгондаваагийн “Sanctity-”Сүхбат, Vitaliy “QBFY” Ivanov нар багтжээ. Түүнчлэн багийн дасгалжуулагч Vitaliy "Sword_Art" Petkin ч албан тушаалдаа хэвээр үлдэх юм.
Сонирхуулахад, Sanctity, BOOM, Sword_Art нар энэ улиралд NAVI багийн эгнээнд тоглож байсан бөгөөд одоо PuckChamp-аас NAVI-д шилжиж байна.
Шинэ бүрэлдэхүүнээ NAVI баг удахгүй ESL One Bangkok тэмцээнд анх удаа LAN орчинд туршиж үзэх бөгөөд тус тэмцээнд $1 сая ам.долларын шагналын сантай 12 баг өрсөлдөнө.
NAVI Dota 2 багийн бүрэлдэхүүн:
Indji “Shad” Lub
Сүхбатын “Sanctity-” Отгондаваа
Miroslav “BOOM” Bičan
Vitaliy “QBFY” Ivanov
Oleh “Kaori” Medvedok
ESL One Bangkok 2024 тэмцээн арванхоёрдугаар сарын 9-15-ны хооронд хоёр үе шаттай зохион байгуулагдана. Эхний шат буюу Group Stage нь арванхоёрдугаар сарын 9-11-нд онлайнаар явагдах бол Playoffs шат нь арванхоёрдугаар сарын 13-15-нд Бангкокын Royal Paragon Hall-д зохион байгуулагдана.
header.all-comments