SAGES Africa (Африкийн Тоглоом, Цахим спортын Үйлчилгээ) байгууллагаас Африкийн эмэгтэй тоглогчдод зориулсан шинэ тэмцээн болох Mzansi Esports Champions 2024-ийг зарлалаа.
Ерөнхий мэдээлэл
Тэмцээн Өмнөд Африкийн тоглоом, технологийн үзэсгэлэн “rAge Expo”-гийн үеэр 2024 оны 11-р сарын 30-наас 12-р сарын 1-ний хооронд Йоханнесбург хотод зохион байгуулагдана.
Mzansi Esports Champions нь Tekken Africa Queens Challenge хөтөлбөрийн нэг хэсэг бөгөөд Францын Гадаад Хэргийн Яам, Өмнөд Африк дахь Францын Институт (IFAS)-ийн дэмжлэгтэй хэрэгжиж байна. Энэ үйл явдал нь цахим спорт дахь эмэгтэй тоглогчдыг дэмжиж, тоглоомын салбарт "оролцоо ба эрх мэдлийг нэмэгдүүлэх" зорилготой аж.
Шагналын сан
Тэмцээнд оролцох найман тоглогч өөрсдийн улс орноо төлөөлөн оролцож, нийт 2.500 ам.долларын шагналын сан-гийн төлөө өрсөлдөнө. Үүнээс ялагч нь 1.000 ам.доллар хүртэх юм.
Улс орон болон оролцогчид:
Эсватини: Setsabile ‘Sugar’ Shabangu
Кени: Sylvia ‘TheQueenArrow’ Wahome
Лесото: Liteboho ‘EL’ Thebe
Мадагаскар: Safidy 'Sentaku’ Andrianisoa
Малави: Matimbe Gweyneth ‘Gwyn Stacy’ Edina
Намиби: Asante-Sana ‘ATMBYTES’ Maruwasa
Өмнөд Африк: Zahraa ‘Iron-Fist’ Khan
Замби: Bwalia ‘LiaRose’ Nkumbula
Тэмцээнээс гадна, 11-р сарын 29-нд Африкийн цахим спортын мэргэжилтнүүдийн уулзалт зохион байгуулагдах бөгөөд энэ нь эмэгтэйчүүдийн тоглоомын салбарт боломжуудыг нэмэгдүүлэх, хамтын ажиллагааг дэмжих зорилготой юм. Уулзалтуудыг Францын Институт, SAGES, rAge Expo нар хамтран зохион байгуулж байна.
Mzansi Esports Champions 2024 тэмцээнд оролцогчид “Tekken 7” тоглож өрсөлдөнө.
SAGES Africa өмнө нь өөр нэг томоохон үйл ажиллагааг зохион байгуулсан бөгөөд Францын Institut français-ийн Création Africa хөтөлбөрийн дэмжлэгтэйгээр энэ сард болсон Kongo Esports Champions 2024 тэмцээнийг Manga & Geek Days Festival-д амжилттай зохион байгуулжээ.
Commentaires