Дэлхийн чансааны №5-д бичигдэж буй MOUZ баг улирлын эхэнд томоохон шийдвэр гаргаж, багийн ахлагч siuhy-г сэлгээнд шилжүүллээ.
Германы байгууллага X платформ дээр гаргасан мэдэгдэлдээ "багийн ирээдүйн чиг хандлагын талаарх үзэл бодол зөрөлдсөнөөс" болж ийм шийдвэр гаргасан гэж тайлбарлажээ.
Багийн ахлагчийн үүргийг одоо 🇸🇪 тоглогч Лудвиг "Brollan" Бролин хүлээн авч байгаа бөгөөд энэ нь түүний карьерт шинэ сорилт болж байна.
Spinx MOUZ багт элсэх үү?
Sheep Esports-ийн мэдээлснээр, MOUZ баг Vitality-ийн сэлгээнд буй Лотан "Spinx" Гиладитай аман тохиролцоонд хүрсэн байна. Spinx Vitality багт хоёр жил хагасын турш тоглохдоо BLAST.tv Парисын Мэйжор 2023 зэрэг нэр хүндтэй тэмцээнүүдэд түрүүлж, олон амжилт гаргаж байсан юм.
Хэдий Spinx-ийг MOUZ багт нэгдэхээр төлөвлөж байгаа ч, IEM Katowice тэмцээний мэдүүлгийн хугацаа хаагдсан тул тэрээр энэ тэмцээнд тоглох боломжгүй. Үүний оронд, MOUZ баг академийн тоглогч Адриан "xelex" Винцегыг тав дахь тоглогчоор оролцуулахаар болжээ. Харин албан ёсоор дебют хийх тэмцээн нь 3-р сарын 7-нд эхлэх ESL Pro League 21 тэмцээн байж магадгүй байна.
Хэрэв Spinx элсвэл, MOUZ баг дараах бүрэлдэхүүнтэй байх болно:
🇭🇺: Áдaм "torzsi" Торзшаш
🇮🇱: Дориан "xertioN" Берман
🇫🇮: Жими "Jimpphat" Сало
🇸🇪: Лудвиг "Brollan" Бролин
🇮🇱: Лотан "Spinx" Гилади
Дасгалжуулагч: Дани Dennis "sycrone" Нильсен
Сэлгээнд: Камил "siuhy" Шкарадек 🎮
Comments