M6 Mobile Legends: Bang Bang дэлхийн аварга шалгаруулах тэмцээний Wildcard шатны тэмцээн өнгөрөгч хоногуудад боллоо.
Бид Wildcard шатны эхний өдрийн тоглолтуудын талаар өмнө нь та бүхэнд хүргэсэн. Тэгвэл тус шатны 2 болон 3 дах өдрийн тоглолтуудын талаар хүргэж байна.
Тэмцээний 2 дахь өдрийн (2024 оны 11-р сарын 22-ны өдөр) тоглолтуудад:
The MongolZ vs Insilio: The MongolZ баг 1:2-оор Insilio багт ялагдсан.
Dianfengyaoguai vs Geekay Esports: Dianfengyaoguai баг Geekay Esports багийг 2:0-ээр хожсон.
Ulfhednar vs Niightmare Esports: Ulfhednar баг Niightmare Esports багийг 2:0-ээр хожжээ.
RRQ Akira vs Legion Esports: Legion Esports баг RRQ Akira багийг 2:0-ээр хожсон байна.
Гурав дахь өдрийн (2024 оны 11-р сарын 23) тоглолтууд нэлээд өрсөлдөөнтэй явагдсан. Хоёр томоохон тоглолтын үр дүнг дурдвал:
RRQ Akira баг Insilio багийг 2-1 харьцаагаар хожиж, дараагийн шатад шалгарчээ.
Ulfhednar баг Dianfengyaoguai багийг 2-1 харьцаагаар буулган авч, Swiss шатны эрхээ баталгаажуулсан байна.
Эхний шат буюу Wildcard амжилттай өндөрлөж, Хоёр дахь шат буюу Decider Stage-д Туркийн ULFHEDNAR баг ялалт байгуулснаар Swiss Round-д шалгарлаа. Тэд энэхүү шатанд ОХУ-ын Insilio багийг 3-0 онооны харьцаатай буулган авч, тэмцээний сүүлийн 16 багийн нэг болж чадсан юм. ULFHEDNAR баг Wildcard шатны турш ердөө ганцхан тоглолтод хожигдсон байна.
Swiss шат:
Энэхүү шат 11-р сарын 28-наас эхэлж, нийт 16 баг Playoffs-д дэвшихийн төлөө өрсөлдөх болно. Swiss шатны тоглолтууд эхний тойрогт best-of-1, дараагийн шатанд best-of-3 форматаар үргэлжилнэ.
Playoffs:
Энэ шатнаас цааш шилдэг 8 баг шалгарч, хасагдах тоглолтуудаар аваргаа тодруулна. M6 World Championship нь тэмцээний цар хүрээ, оролцогч багуудын түвшин, тоглолтын чанараараа урьд өмнөхөөс илүү өргөн цар хүрээтэй болж байгаа нь үзэгчдийг сэтгэлийг догдлуулж байна.
Нэмэлт мэдээлэл болон хуваарийг Esports Charts-с харж болно.
Comentários