League of Legends дэлхийн аварга шалгаруулах тэмцээнийг Хятад улс гурав дахь удаагаа зохион байгуулна.
Riot Games 2025 оны League of Legends (LoL) дэлхийн аварга шалгаруулах тэмцээн Хятадад болно гэдгийг зарлажээ. Энэхүү мэдэгдлийг 10-р сарын 25-ны Баасан гарагт Ченду хотод болсон OPPO Find X8 цувралын нээлтийн арга хэмжээний үеэр хийсэн.
OPPO нь 2019 оны League of Legends-н дэлхий аваргаас хойш Riot-той хамтарсаар ирсэн.
Хятад улс гурав дахь удаагаа дэлхийн аварга шалгаруулах тэмцээнийг зохион байгуулах гэж байна
2025 оны дэлхийн аварга шалгаруулах тэмцээн нь Хятад улс LoL-ийн шилдэг арга хэмжээг гурав дахь удаагаа зохион байгуулах гэж байна.
2017 онд тус тэмцээн Ухань, Гуанжоу, Шанхай, Бээжин гэсэн дөрвөн том хотод зохион байгуулагдаж, финалын тоглолт алдарт Шувууны үүр цэнгэлдэх хүрээлэнд болсон. Шанхайд зохион байгуулагдсан 2020 оны тэмцээн нь COVID-19 тахлын улмаас өмнөхөөсөө илүү даруухан болсон. Харин 2024 онд БНХАУ-ын Ченду хотын Вулианье Чендугийн урлагийн төвд болж байжээ.
2025 оны Дэлхийн аварга шалгаруулах тэмцээн болох хотуудыг одоогоор хараахан зарлаагүй байгаа. Гэвч шүтэн бишрэгчдийн зүгээс урьд урьдынхаасаа цар хүрээ том, гайхалтай тэмцээн болно гэдэгт найдаж байгаагаа олон нийтийн мэдээллийн хэрэгслээр илэрхийлж байна.
Үүний зэрэгцээ, Worlds 2024 яг одоо Европт үргэлжилж байна. Хагас шигшээ тоглолтууд 10-р сарын 26-27-нд Парист болох бол Гранд финал Лондонгийн O2 Arena-д 11-р сарын 2-нд болно. Энэ жилийн “Heavy is the Crown” сүлд дууг дуулсан Америкийн рок хамтлаг Linkin Park 2024 оны Дэлхийн Гранд финалд оролцох төлөвтэй байна.
Comments