Энэ оны 1-р сарын 14-нд эхлэх BLAST Bounty тэмцээний Хаалттай шалгаруулалт эхлэх билээ. Тэмцээн зохион байгуулагч BLAST, хаалттай шалгаруулалтад оролцох багуудыг зарлахад, мэдээж, олныг гайхашруулсан (миний хувьд дэвшил, шинэ боломж, дэмжлэг гэж харж байна) мэдээ нь эмэгтэй тоглогчдоос бүрдсэн Imperial Fe баг Counter-Strike-ийн томчуултай нэг тайзан дээр өрсөлдөнө.
Яагаад эмэгтэй бүрэлдэхүүнтэй баг оролцож байгаа вэ?
· Энэ оноос эхлэн CS2 тоглоомын хөгжүүлэгч Валв чансааны дүрэм, тэмцээний дүрэмд оруулсан өөрчлөлтийг мөрдөж эхэлнэ. Энэ чансааны дагуу эхний 30 баг тэмцээнд урилгаар оролцоно. Эдгээр шилдэг 30 багийн нэг нь яалт ч үгүй Imperial Fe баг юм.
· Imperial Fe баг 2024 оны 12-р сарын 2-ны байдлаар, VRS (Valve Ranking System) чансаагаар 1288 оноотой, 28-рт жагсаж байна. Харин яагаад 28-т жагсаж байгааг энд англи хэл дээр деталчлан үзүүлсэнээр сүүлийн зургаан сарын шилдэг арван үр дүнг гол үзүүлэлтээ болгожээ.
· Imperial Fe нь мэргэжлийн эмэгтэй багуудын дунд зохиогддог ESL Impact цуврал лигийн сүүлийн найман тэмцээнд түрүүлж, эмэгтэйчүүдийн хувьд Counter Strike-ийн “Хатан хаан” гэхэд хилсдэхгүй.
Одоо тэд дэлхийн шилдэг багуудтай тоглох боломжтой болно. Тэдний оролцоо, өрсөлдөөн нь Counter-Strike төдийгүй цахим спортын түүхэнд нэгэн шинэ хуудас болно.
Imperial Fe
2019 оны 4-р сарын 4-нд анх байгуулагдаж тухайн оны 4-р сарын 7-нд болсон White Rabbit Cup 1 хэмээх Tier C түвшиний зөвхөн охидын тэмцээнд нэгдүгээр байрт орж байжээ.
Анх байгуулагдахдаа дан Бразилийн эмэгтэй тамирчдаас бүрдсэн боловч 2024 оны 5-р сард Европын бусад орнуудын тамирчдаар багаа бүрдүүлсэн. Liquipedia.net дээрхи мэдээллээр Бразил, Европт байрладаг, Европ бүсэд харъяалагддаг гэж дурдсан байна.
Хуучин бүрэлдэхүүн нь CS:GO төрөлд өрсөлдөж, байгуулагдаад тун удалгүй 10-р сард бүх тамирчид нь багаасаа гарчээ.
Тухайн жилдээ 4 тэмцээнд оролцож хамгийн сүүлд Бразилийн нэгэн online тэмцээнд 5-8-р байрт орсон байна.
2024 он хүртэл огт чимээгүй байсан боловч, багийн бүрэлдэхүүнд өөрчлөлт оруулан, ESL Impact League Season 5 тэмцээнд нэгдүгээр байрт орж 50,000 ам.долларын шагнал авч, амжилтын гараагаа эхэлсэн байна.
Багийн амжилтыг үзүүлбэл:
· 2024-12-01-нд C-Tier зэрэглэлийн Rainhas do Clutch FERJEE 2024 тэмцээнд 2-р байр эзэлж 4,184.56 ам.доллар
· 2024-11-24-нд A-Tier зэрэглэлийн ESL/Impact League Season 6-д нэгдүгээр байр эзэлж 50,000 ам.доллар
· 2024-10-18-нд ESL Impact League Season 6: European Division тэмцээнд 1- 2-р байр
· 2024-09-15-нд C-Tier зэрэглэлийн Tradeit League FE Masters тэмцээнд хоёрдугаар байр эзэлж 1,000 ам.доллар
· 2024-08-04-нд C-Tier зэрэглэлийн Fragster Female Summer Vibes тэмцээнд нэгдүгээр байр эзэлж 1,348.95 ам.доллар
· 2024-06-02-нд A-Tier зэрэглэлийн ESL Impact League Season 5 тэмцээнд нэгдүгээр байр эзэлж 50,000 ам.долларын шагналыг тус тус авч байжээ.
2024 он хүртэл огт чимээгүй байсан боловч, багийн бүрэлдэхүүнд өөрчлөлт оруулан, ESL Impact League Season 5 тэмцээнд нэгдүгээр байрт орж 50,000 ам.долларын шагнал авч, амжилтын гараагаа эхэлсэн байна.
Багийн гишүүд 2024 оны 5-р сарын 25-нд багтаа оржээ.
Ana “Ana” Dumbravă (Romania)
Alexandra “twenty3” Timonina (Russia)
Victoria “tory” Kazieva (Russia)
Katarína “Kat” Vašková (Slovakia)
Zainab “zAAz” Turkie (Sweden)
Kamen “bubble” Kostadinov Bulgaria (дасгалжуулагч)
Blast Bounty тэмцээнд оролцох боломж зөвхөн Imperial Fe-д ч олдоогүй юм. FURIA fe баг VRS-ийн чансаагаар 27-рт жагсаж байгаа боловч FURIA баг тэмцээнд оролцож байгаа тул энэ удаад эмэгтэй багаа өнжөөх шийдвэр гаргасан гэж энд бичжээ.
Blast Bounty тэмцээний хаалттай шалгаруулалтад, өмнөх оны 12-р сарын 2-ны чансааны дагуу өрсөлдөх багуудын найм нь 1-р сарын 23-26-нд Копенхагенд болох 500,000 ам.долларын шагналын сантай Blast Bounty Finals тэмцээнд оролцох юм.
G2 Esports
Natus Vincere
Team Vitality
Team Spirit
The MongolZ
MOUZ
FaZe Clan
HEROIC
Team Liquid
FURIA
Eternal Fire
SAW
3DMAX
paiN Gaming
Complexity
Astralis
FlyQuest
BIG
Sangal
GamerLegion
MIBR
Nemiga
Wildcard Gaming
B8
ENCE
Imperial fe
Fluxo
9 Pandas
M80
Comments