Олон Улсын Цахим Спортын Холбоо (IESF)-оос жил бүр Дэлхийн Цахим Спортын Аваргын тэмцээн Саудын Арабын Эр-Рияд хотод 16 дахь удаагаа 2024 оны 11-р сарын 11-19-ны хооронд зохиогдлоо.
Энэ оны тэмцээнд Монгол улсаас оролцох багуудыг тодруулах тэмцээнийг MESA (Монголын Цахим Спортын Холбоо) CS 2, PUBGM, Dota2, MLBB, MLBB fe төрлүүдээр зохиосон билээ.
CS2 тэмцээнд 98 улсын баг өрсөлдлөө. 240 мянган ам.долларын шагналын сантай "IESF World Esports Championship 2024" тэмцээнд Монголын шигшээ багийг төлөөлж The Huns Esports багийн тоглогчид D хэсэгт Словак, Өмнөд Африк, Аргентиныг хожиж Серби, Чехэд хожигдсон Монголын баг хэсгээсээ хоёрдугаар байрт орж, playoffs-т шалгарсан. Улмаар playoffs-т Шведийн багт 2:0 харьцаагаар хожигдон тэмцээний 5-8-р байрыг эзлэн 12,500$ шагнал авлаа.
160 мянган ам.долларын шагналын сантай IESF World Esports Championship 2024 Mobile Legends: Bang Bang төрлийн тэмцээнд 88 орны багууд өрсөлдөв.
Монголын шигшээ багийг төлөөлж "IHC Esports" багийн тоглогчид "D" хэсэгт Украин, Колумбийн шигшээ багуудыг хожиж хэсгээ тэргүүлсэн ч, шөвгийн наймд Индонезын шигшээ багт 0-2 харьцаатай хожигдож 5000 ам.долларын шагнал авчээ.
PUBGM төрлийн 130 мянган ам.долларын шагналын сантай "IESF World Esports Championship 2024" тэмцээнд 95 улсын баг оролцсон юм. Монголын шигшээ багийг төлөөлж "TG" дасгалжуулагчтай Stronger esports баг оролцож, 16 орны баг тамирчид, гурван өдрийн турш нийт 18 map тоглож, Монгол улсын баг 81 оноо цуглуулан 10-р байр эзэлж 4,000$ авлаа
DOTA2 төрлийн IESF World Esports Championship 2024 Тэмцээнд Монгол улсыг төлөөлөн оролцсон DOTA 2-ийн баг Турк улсын эсрэг тоглон 2-1-р хожигдсоноор 4-р байранд орж $10'000-ийн шагналыг авлаа.
ML:BB төрлөөр IESF World Esports Championship 2024 Тэмцээнд Монгол улсыг төлөөлөн оролцсон MLBB Women-ийн баг 16 орноос 9-10-р байранд орлоо. Саудын Араб улсын нийслэл Эр-Рияд хотноо болсон энэхүү тэмцээнд MLBB Women баг маань хэсгийн шатнаасаа гарч чадалгүй тэмцээнээ өндөрлүүлээ. Гэсэн хэдий ч тэд Монгол улсыг төлөөлөн гадны Lan тэмцээнд оролцсон анхны MLBB төрлийн эмэгтэй баг юм.
Энэ удаагийн дэлхийн аваргын тэмцээн цахим спортын 5 төрөл, 7 ангилалаар болов.
CS2 fe
MLBB fe
PUBGM
e-football
CS2
Dota2
MLBB
Дээрхи төрөл, тэмцээн бүр нь бүс болгонд өөр өөр эрхтэй байна. Үүнийг төрлөөр ангилан үзүүлбэл (улсуудын тоо давхардаж байгаа):
CS2 female ангилалд 62 улс
MLBB female ангилалд 49 улс
CS2 төрөлд 98 улс
Dota 2 төрөлд 81 улс
MLBB төрөлд 88 улс
PUBG Mobile төрөлд 95 улс
eFootball төрөлд 125 улсын тамирчид ур чадвараараа өрсөлдөнө.
Бүс бүсээр тодорхойлбол:
Америк тив 21 улс
Ази тив 41 улс
Африк тив 22 улс
Европ тив 43 улс
Comments