Жил бүр зуун зуун цахим спортын багууд өөрсдийн төрөлдөө хамгийн шилдэг нь болохын төлөө өрсөлддөг. Гэвч зөвхөн нэг баг давамгайлж, дэлхийн аваргын цомыг эсвэл бусад томоохон тэмцээнүүдийг авсаар тэмдэглэгддэг. GosuGamers-н зүгээс гаргасан 2024 оны шилдэг багуудыг танилцуулъя.
Dota 2: Team Falcons
Dota 2-ын 2024 оны улирал Valve Pro Circuit-ийн төгсгөл болж, гуравдагч талын тэмцээнүүд эргэн ирсэн онцгой жил боллоо. Team Falcons нийт 14 тэмцээнд оролцож, долоон удаа аварга болж, бараг бүх тэмцээнд шилдэг дөрөвт багтсан.
Тэдний амжилтыг Stanislav "Malr1ne" Potorak, Ammar "ATF" Assaf, Andreas "Cr1t-" Nielsen зэрэг шилдэг тоглогчид болон 2022 оны аваргууд Oliver "Skiter" Lepko, Jing "Sneyking" Wu нарын гайхалтай тоглолтуудгүйгээр төсөөлөхийн аргагүй билээ.
Counter-Strike 2: Natus Vincere (NAVI)
CS2 төрөлд 2024 онд NAVI багийн ноёрхол зонхилсон. Тэд 13 тэмцээнд оролцож, долоон удаа финалд шалгарч, дөрвөн аваргын титэм хүртсэн. NAVI-ийн бүрэлдэхүүнд Valeriy "b1t" Vakhovskiy, Justinas "jL" Lekavičius, Igor "w0nderful" Zhdanov зэрэг шилдэг тоглогчид багтсан бөгөөд тэднийг Aleksi "aleksib" Virolainen удирдсан.
Mobile Legends: Bang Bang: Fnatic ONIC PH
Филиппиний Fnatic ONIC PH баг 2024 оны MLBB дэлхийн аваргын бүх тоглолтоо ялан, үнэмлэхүй ялалт байгуулжээ. Тэд M6 дэлхийн аваргын түүхэн дэх хамгийн төгс амжилтыг үзүүлсэн бөгөөд улирлын турш хүчирхэг байснаараа онцлог болсон байна.
League of Legends: T1
T1 баг 2024 оны LoL-ийн дэлхийн аваргыг хүртсэнээр хоёр дараалсан аваргын цом авсан. Тэдний амжилт нь олон сорилтыг давж гарсан эрч хүчтэй, уян хатан тоглолтын үр дүн байлаа. Тэд хамтын ажиллагаа, оролцоог эрхэмлэж, багийн бүх гишүүдээ тэгш хүндэтгэн ажилласнаар ялалт байгуулсан.
VALORANT: EDward Gaming (EDG)
EDG баг 2024 онд Хятадын VALORANT Champions Tour (VCT)-т үнэмлэхүй амжилт гаргаж, бүс нутгийн бүх тэмцээнд түрүүлсэн. Олон улсын тэмцээнд тэд аажмаар сайжирч, эцэст нь VALORANT Champions 2024 тэмцээнд аварга болжээ.
Дээрх багууд нь 2024 оны өөрсдийн төрөлдөө хамгийн шилдэг, өрсөлдөөнтэй улирал өнгөрүүлснээрээ онцгойрсон байна.
Comments