1win баг Dota 2 Champion of Champions Tour (CCT) Series 5 тэмцээнд “Passion UA” багийг 3-1 харьцаагаар хожиж аваргын титэм хүртлээ. Тус тэмцээний нийт шагналын сан болох 50,000 ам.доллароос 30,000 ам.долларыг тэд хүртэж, наймдугаар сард болсон CCT Series 3 тэмцээнээс авсан мөнгөн медалийнхаа амжилтыг ахиуллаа.
1win баг шууд урилга ар “CCT Series 5-ийн плейоффт” оролцсон бөгөөд AVULUS, MOUZ, One Move, DMS, NAVI Junior, Passion UA, Dragon Esports Club зэрэг багуудтай өрсөлджээ.
Плейоффын эхний шатанд тэднийг Dragon Esports Club 2-0 харьцаатай хожсон. Гэвч 1win баг эргэн ирэлт хийж, MOUZ багийг 2-0 харьцаатай хожжээ. Тэд дараагийн тоглолтдоо One Move багийг 2-1-ээр буулган авч, доод шугамын хагас шигшээд шалгарчээ.
Хагас шигшээд 1win баг өмнө нь CCT Series 3 тэмцээний финалд ялагдсан AVULUS багтай дахин таарч, 2-0 харьцаатай хожсоноор шигшээ тоглолтод NAVI Junior багтай учраа таарсан байна. NAVI Junior-ийг 2-0 харьцаатай буулган авч, финалд Passion UA багтай тулахаар болжээ.
Финалын эхний тоглолтод 1win баг “Void Spirit”-ээр тоглосон Ilya “Squad1x” Kuvaldin-ийн гайхалтай тоглолтын ачаар 36 минутын дотор ялалт байгуулсан. Гэсэн ч хоёр дахь тоглолтод Passion UA 50 минут үргэлжилсэн ширүүн тулааны эцэст хожил байгуулж, цувралыг тэнцүүлэв.
Гурав дахь тоглолтод 1win баг дахин хүчтэй тоглолтоо үзүүлж, 32 минутын дотор хожжээ. Nikita “Munkushi~” Chepurnykh-ийн “Gyrocopter”-ын тоглолт ба “Beastmaster”-ийн Alexander “cloud” Zakharov нар голлох үүрэг гүйцэтгэж, багаа 23-11 харьцаагаар ялалтад хүргэв.
Харин дөрөв дэх тоглолтод 1win баг хүчтэй илүүрхэж, 31 минутын дотор 27-8 харьцаатайгаар ялалт байгуулан аваргын цомыг авчээ. Тус тоглолтод Rubick-ээр тоглосон Georgii “swedenstrong” Zainalabidov болон Gyrocopter-оор тоглосон "Munkushi" нар багийн ялалтыг баталгаажуулсан байна.
Ингэснээр 1win баг 30.000 ам.долларын шагнал хүртсэн бол, хоёрдугаар байранд орсон Passion UA баг 10.000 ам.доллар, гуравдугаар байранд орсон NAVI Junior баг 7.500 ам.доллар хүртлээ. AVULUS баг 2.500 ам.доллар хүртэж тэмцээнээ дуусгажээ.
CCT Series 5 тэмцээнийг Gam3rs_x + GRID нар хамтран зохион байгуулж, Европын 12 баг $50.000 шагналын төлөө арваннэгдүгээр сарын 16-наас 25-ны хооронд өрсөлджээ.
Comments