Two Sentries хуудаснаас бичдэг CS:GO-ийн сонирхолтой түүхүүдийн энэ удаагийн цувралаар
Nikola “NiKo” Kovač-ийн Stockholm Major 2021 дээр хийсэн “харамсалтай” алдааны тухай бичсэн.
Хэрэв та Counter Strike-г тодорхой хугацаанд тоглож байсан бол хүний ардаас эсвэл хажуунаас буудаад алж чадалгүйгээр үхэж үзсэн байж таараа. Энэ бол энэ тоглоомонд байж байдаг л зүйл. Гэхдээ энэ зүйл Major-ын финал дээр тохиолдвол жинхэнэ гамшиг, сүйрэл гэдэг нь болно. Яг энэ зүйл Stockholm Major 2021 тэмцээний финалын цувралд дээр болсон юм.
CS:GO-ын албан бус GOAT байсан “S1mple”, дэлхийн хамгийн шилдэг rifler гэгдэх “Niko” нарт Major-ын аварга гэсэн ганцхан шагнал л дутуу байлаа. Na'Vi эхний мапыг ялж 2 дахь мап Nuke гарч ирэв. Тоглолт аль аль талдаа хэцүү байсан ч 15:12 байх үед G2 багаас eco round орж ирэв. А site-руу гэнэдүүлсэн гүйлт хийснээр, 2vs2 байдал дээрээс G2 багийхан bomb-оо тавьж амжсан байв. Тэр үед толгой сийрэг ажилласан “Niko” mind-аар A heaven-рүү алхаж өөрийн дээшээ өгссөнөөр 2 тоглогчийн араас гарч ирж алах боломжийг өөртөө үүсгэсэн юм.
Гэтэл.... “Niko” маань A heaven дээрээс шарын дээр байсан “S1mple”-г desert eagle-ээр гурван удаа буудсан ч онож чадалгүй “s1mple” эргэж харж Niko-г алснаар мапын хожлын раундаа алдсан юм.
Ийм буудалтыг “Niko” магадгүй 100 удаа хийсэн ч 99-д онох байсан биз. Гэхдээ тэр үед яг тэр ганц алдах ёстой үе нь таарсан нь харамсалтай. Тэр раундаас хойш G2 багийнхны сэтгэл зүй бүрэн унаж, эсрэгээрээ Na'Vi багийн өөрсдөдөө итгэх итгэл бүрэн сэргэснээр 12-15 аас барьж нэмэлт цаг гаргаснаар 22-19 харьцаатай ялж Na'Vi баг анх удаа CS:GO-ын Major-ын аварга болсон түүхтэй.
Нөгөө талд “Niko” хэзээ ч Major-т түрүүлж чадахгүй байснаар CS:GO-ын карьераа өндөрлүүлж, одоо ч G2 багтаа CS2 тоглосоор л байна.
Хэрэв “Niko” тэр буудалтаа алдаагүй байсан бол “S1mple” Major-ын аварга цолгүй хоцорч CS:GO-ын GOAT-оор албан ёсоор зарлагдахгүй ч байсан байж магадгүй л юм. Гэхдээ түүхэнд хэрвээ гэж байхгүй юм даа.
2024.05.29.
Эх сурвалж: Two Sentries (CS:GO, Dota2, CS2-ын талаар мэдээлэл оруулдаг Two Sentries хуудас дээр гардаг зарим мэдээ, мэдээллүүдийг зөвшөөрөлтэйгээр хүргэж байна. Илүү олон мэдээлэл авахыг хүсвэл Two Sentries хуудсыг дагаарай)
Comentários