top of page
728x90.gif

Atox esports Вьетнам улсыг зорилоо

Writer's picture: Ariunzayat YunrenAriunzayat Yunren

Монгол улсын ATOX Esports баг Perfect World Shanghai Major 2024 тэмцээний Зүүн Азийн сонгон шалгаруулалтанд оролцохоор Вьетнам улс руу зорилоо.

Atox Esports багийн бүрэлдэхүүн:

  • Б.Ган-Эрдэнэ “dobu”                               

  • Б.Бат-Энх “kabal”                      

  • Б.Тэмүүлэн “MiQ”                       

  • О.Ялалт “yAmi” 

  • Н.Түвшинтөгс “ANNIHILATION”

  • Г.Төгөлдөр “flyNN” (дасгалжуулагч)           

Вьетнам улсад байралдаг сервер нь бага пинг-тэй байдаг тул манай улсын тамирчид тэнд байрлаж, тэмцээндээ оролцох нь түгээмэл юм.
Тэмцээний тухайд

8-р сарын 25-26-нд Зүүн Азийн нээлттэй сонгон шалгаруулалтад 16 баг оролцож, эхний 5 баг нь хаалттай шалгаруулалтад тэнцэнэ. (Perfect World Shanghai Major 2024: East Asian Open Qualifier)

 

8-р сарын 28-30-нд Зүүн Азийн хаалттай сонгон шалгаруулалтад 8 баг оролцож цор ганц баг нь Ази Номхон далайн RMR-т оролцох эрхээ авна. Энэ хаалттай сонгон шалгаруулалтад манай улсын Atox Esports, Chinggis Warroirs багууд CS2 тоглоомын хөгжүүлэгч Valve-ийн гаргасан бүсийн чансаагаар  оролцох юм. Гэхдээ дээр дурдсан нээлттэй сонгон шалгаруулалтын эхний таван байрт Монгол улсын багууд орох магадлал өндөр. (Perfect World Shanghai Major 2024: East Asian Closed Qualifier).

 

11-р сарын 11-14-нд Хятад улсын Шанхай хотод Ази Номхон далайн RMR болно. Энэхүү RMR-т одоогийн байдлаар манай улсын The MongolZ баг; Г.Эрдэнэцогт “erkast” дасгалжуулагчтай АНУ-ын FlyQuest багууд оролцох нь тодорхой байгаа юм. Энэ удаагийн RMR-ийн онцлог нь шилдэг 3 баг Шанхай Мажорт өрсөлдөх эрхтэй. (Perfect World Shanghai Major 2024: Asia-Pacific RMR)

2024 оны 3-р сард Копенхагенд болсон Major-т The MongolZ баг шилдэг 16-д шалгарсан тул нэмж нэг эрхийг Азийн бүсэд авч ирсэн билээ.  Ийм учраас Азийн бүсээс нийтдээ 3 баг өрсөлдөнө.

 

11-р сарын 30-аас 12-р сарын 15-нд Хятад улсын Шанхай хотод болох Perfect World Shanghai Major 2024 тэмцээнд CS2 төрлийн шилдэг 24 баг, $1,250,000 шагналын сантай энэ тэмцээнд өрсөлдөнө.

Atox Esports


171 views0 comments

Comentários


  • Facebook
  • X
  • LinkedIn
  • Instagram
comercial 4000x300px
bottom of page