2025 оны 1-р сард Малайз улсын Куала Лумпур хотноо анх удаа гранд финал тэмцээн зохион байгуулагдах гэж байна. Энэ тэмцээнд DOTA 2 болон VALORANT төрлөөр орон бүрийн шилдэг багууд 400,000 ам.долларын шагналын сангийн төлөө өрсөлдөх болно.
Ази Номхон Далайн орнуудын аварга шалгаруулах APAC Predator League цахим спортын тэмцээн 6 дахь удаагаа зохиогдох гэж байна. Тэмцээнд Dota 2 болон VALORANT төрлөөр улс орон бүрийн шилдэг багууд оролцож, 400,000 ам.долларын шагналын сан болон и-спортын түүхэнд нэрсээ үлдээх боломжийн төлөө өрсөлдөх болно. Мөн Predator League-ийн дүр бүтээх уралдааныг зохион байгуулж, шүтэн бишрэгчид болон тоглоом сонирхогчдод дараагийн Predator League дүрсийг бүтээх замаар хүсэл тэмүүллээ харуулах боломжийг олгож байна.
Acer брэндийн зохион байгуулдаг Ази Номхон Далайн орнуудын аварга шалгаруулах Predator League цахим спортын тэмцээн нь анх 2018 оноос хойш Индонез, Тайланд, Япон, Филиппин зэрэг улсуудад зохиогдож байсан бөгөөд энэ жилийн гранд финалийн тэмцээнийг Малайз улсын Куала Лумпур хотод зохион байгуулах гэж байна. Анхны тэмцээнд ердөө 8 улсаас оролцож байсан бол одоо 15 гаруй бүс нутгаас ирсэн багууд оролцож, и-спортоор хичээллэх хүсэлтэй залуус нийт 1.75 сая ам.долларын шагналыг аваад байна.
“Цахим спорт бол Acer-ийн хүсэл тэмүүлэл, хүчирхэг тулгуур багана юм. Бид энтертайнмэнт болж хувирсан энэ салбарын өсөлттэй хамт аялж байна. Бидний хөгжүүлж буй Predator брэндийн бүтээгдэхүүн бүрийг эдгээр хэрэглэгчдэдээ зориулан бүтээдэг. Мөн Ази Номхон Далайн Predator League нь биднийг энэхүү цэцэглэн хөгжиж буй цахим спортын ертөнцтэй холбодог. Бүс нутгийн сонгон шалгаруулалтаас эхлээд ирэх оны 1-р сард болох Гранд финал хүртэлх ширүүхэн өрсөлдөөн, цахим спортын экосистемтэй харилцах хүчин чармайлтын нэг онцлог болсон энэхүү тэмцээнийг бид дахин зохион байгуулж байгаадаа баяртай байна” гэж тус компанийн Acer Пан Ази Номхон Далайн ерөнхийлөгч Эндрю Хоу хэлсэн билээ.
Ази Номхон Далайн Predator League 2025 оны Монголын сонгон шалгаруулалтын бүртгэл 2024 оны 10-р сарын 31 хүртэл явагдаж байна. Тэмцээнд оролцох хүсэлтэй https://predator-league.com/ хаягаар бүртгүүлснээр 7,000 ам долларын шагналын сан болон ялагчийн Predator League бамбайг өргөх боломжтой болно.
Огноо | Шалгаруулалт |
2024 оны 11 сарын 2 | Эхний шалгаруулалт, Улаанбаатар, Монгол улс |
2024 оны 11 сарын 9 | Финалын тоглолт, Улаанбаатар, Монгол улс |
2025 оны 1-р сар | Гранд финалын тэмцээн, Куала Лумпур, Малайз улс |
Монгол улсын шалгаруулалтанд тэргүүн байр эзлэсэн нэг баг 4,000 ам долларын шагнал, Малайз улсад болох Asia Pacific Predator League Grand Finals тэмцээнд улсаа төлөөлөн оролцож, бусад 14 бүсийн шилдэг тамирчидтай өрсөлдөх боломжийг авах юм.
Илүү дэлгэрэнгүй мэдээлэл авахыг хүсвэл Asia Pacific Predator League 2025 тэмцээний албан ёсны вэбсайт planet9.gg хандана уу.
Acer-ийн тухай
1976 онд байгуулагдсан Acer брэнд амьдралын чанарыг сайжруулахад туслах компьютер тоног төхөөрөмж, програм хангамж болон түүнтэй холбоотой үйлчилгээнүүдийг олон жилийн судалгаа шинжилгээнд үндэслэн бүтээж, хэрэглэгчиддээ хүргэдэг юм. Компьютер, дэлгэц, проектор, сервер, таблет, ухаалаг утас болон ухаалаг төхөөрөмжүүдийг үйлдвэрлэдэг ба тэдгээртэй холбоотой үүлэн технологид суурилсан шийдлүүдийг мөн хүргэдэг.
2016 онд Acer брэнд 40 жилийн ойгоо тэмдэглэсэн бөгөөд компьютерийн зах зээлд тэргүүлэгчдийн нэг болсон тус компанид дэлхийн 160 оронд 7000 гаруй чадварлаг ажилтнууд ажилладаг билээ. Acer компанийн тухай дэлгэрэнгүй мэдээлэл авахыг хүсвэл www.acer.com вэбсайтад хандана уу.
Comments