Монгол багуудын тоглолт өнөөдөр эхэлнэ

PUBGMobile төрлийн Дэлхийн аваргын тэмцээний Лигийн шатанд өрсөлдөх Монгол багуудын тоглолт өнөөдөр эхэлнэ. Улаан хэсэгт хуваарилагдсан IHC E-Sports, Falcons Force багуудын тоглолт 11-р сарын 7-нд; Ногоон хэсэгт хуваарилагдсан Stalwart Esports, 4Merical Vibes багууд 11-р сарын 14-нд тоглоно.

2023 оны Дэлхийн аварга IHC Esports баг сонгон шалгаруулалтаас эрхээ авч чадаагүй ч тусгай урилгаар өрсөлдөнө. Аваргууд өмнөх бүрэлдэхүүнээс Х.Хүсэлбаатар "Alex"-ийг чөлөөлж сэлгээнээс Б.Хүслэнг "ROGUE"-ийг тоглуулна.

Өмнөд Азийн оноогоор дэлхийн аваргад оролцох эрхээ авсан Falcons Force баг нь Саудын Арабын эзэмшилтэй ч багийн гишүүд нь Монгол улсын иргэд тул Монгол улсын нэр дээр тоглодог бөгөөд өнгөрсөн жил Дэлхийн аваргын дэд байр эзэлсэн. Тэд энэ жил багийн бүрэлдэхүүндээ "4Merical Vibes" багт тоглож байсан М.Батмөнх "EAST"-ийг багтаа нэгтгэн, таван хүний бүрэлдэхүүнтэй оролцож байна.

Ерөнхий мэдээлэл

Тэмцээний Лигийн шатны тэмцээн нь Малайз улсын Куала Лумпура хотод 10-р сарын 31-11-р сарын 24 хүртэл үргэлжилнэ.

Харин тэмцээний Аваргын төлөөх тоглолтууд Англи улсын нийслэл Лондон хотод 12-р сарын 6-аас 8-ны хооронд болно.

Тэмцээний шагналын сан 3,000,000 ам.доллар.

Лигийн шатны хуваарь:

Хэсгийн шат. Лигийн шатны 48 баг Шар, Улаан, Ногоон хэсгүүдтэй.

· Шар хэсгийн тоглолт 10-р сарын 31-ээс 11-р сарын 3.

· Улаан хэсгийн тоглолт 11-р сарын 7-10.

· Ногоон хэсгийн тоглолт 11-р сарын 14-17.

Survival шат: 2024 оны 11-р сарын 20-22.

Сүүлчийн боломж : 2024 оны 11-р сарын 23-24.

Гранд финал:

2024 оны 12-р сарын 6-аас 8-ны хооронд Англи улсын Лондон хотод болно.

Тэмцээний формат

Лигийн шат.

2024 оны 10-р сарын 31-ээс 11-р сарын 24-ний хооронд

Хэсгийн шат: 2024 оны 10-р сарын 31-ээс 11-р сарын 17 хооронд

48 баг нь гурван хэсэгт (шар, улаан, ногоон) тэнцүү хуваагдана.
Хэсэг бүр долоо хоногт 24 тоглолт хийнэ.
Долоо хоног бүр 4 өдөр тоглоно.
Тэмцээний өдөр бүр 6 тоглолтоос бүрдэнэ.
Хэсэг тус бүрийн шилдэг 3 баг Гранд финалд шалгарна.
Хэсэг тус бүрийн 4-11-р байр нь Survival шатанд өрсөлдөнө.
Хэсэг тус бүрийн сүүлийн 5 баг хасагдана.

Survival шат: 2024 оны 11-р сарын 20-22-ний хооронд

24 баг гурван хэсэгт тэнцүү хуваагдана.
Хэсэг бүр өдөрт 6 тоглолт хийх бөгөөд гурван өдрийн турш нийт 18 тоглолтыг Robin round хэлбэрээр тоглоно.
Шилдэг 16 баг "Сүүлчийн боломж" (Last chance) шат руу шалгарна.
Хамгийн сүүлд орсон 8 баг хасагдана.

Сүүлчин боломж: 2024 оны 11-р сарын 23-24-ний хооронд

16 баг нийтдээ 12 тоглолт хийнэ.
Шилдэг 6 баг Гранд финалд шалгарна.
Хамгийн сүүлд орсон 10 баг хасагдана.

Гранд финал:

2024 оны 12-р сарын 6-аас 8-ны хооронд Англи улсын Лондон хотод болно
16 баг: Хэсгийн шатнаас 9 баг; Сүүлийн боломжоос 6 баг; Зохион байгуулагч бүсийн нэг баг шууд урилгаар тоглоно
Өдөрт зургаан тоглолт, нийтдээ 18 тоглолт хийнэ.

Өнгөрсөн долоо хоногт эхэлсэн тэмцээний "Шар" хэсгийн тоглолтууд өндөрлөж Оросын "Team Spirit", Өмнөд Солонгосын "DRX", Бразилын "Alpha7 Esports" багууд Аваргын төлөө өрсөлдөхөөр шалгарсан бол Балбын "Horaa Esports", Саудын Арабын "Twisted Minds", Филиппиний "Team Harame Bro", Хятадын "Regans Gaming", Оросын "De Muerte" багууд тэмцээнээс хасагджээ.

Шар хэсэгт тоглосон 16 багууд