Тоглоомын хөгжүүлэгч MOONTON Games-ээс Mobile Legends: Bang Bang төрлийн Дэлхийн аваргын үеэр зохиогдох арга хэмжээнүүдийн талаар мэдээлэв.
Малайзын засгийн газар MLBB дэлхийн аваргын тэмцээнийг дэмжиж, хөгжүүлэгч MOONTON-тэй хамтран олон төрлийн ажлуудыг хийж байна.
Малайз улсын засгийн газрын дэмжлэгтэйгээр, тэмцээний Аваргын төлөөр тоглолтууд болох Куала Лумпурын Axiata Arena-д 12-р сарын 13-наас 15-ны хооронд Багт наадмын арга хэмжээ зохиогдоно.
Энэ багт наадам нь зөвхөн тоглогчид төдийгүй тэдний гэр бүлд зориулсан тусгай арга хэмжээ болох юм. Багт наадамд оролцогч хэн бүхэнд талбай, лангуу зэрэг нь үнэгүй байна.
Малайзын засгийн газраас цахим спортыг хөгжүүлэхээр 4.5 сая ам.долларыг төсөвлөсөний дагуу багт наадам тэмцээний төгсгөлийн тоглолтуудыг Малайзын Залуучууд, спортын яам дэмжлэг үзүүлэх юм.
Аваргын төлөөх тоглолтууд Куала Лумпурын найрал хөгжмийн үзүүлбэрээр эхэлнэ. Энэ тоглолтыг Куала Лумпур хотын захиргаа болон Малайзын дижитал эдийн засгийн хороотой хамтран зохионо.
Букит Бинтангийн хэмээх худалдаа, амралтын дүүрэгт 11-р сарын 30-ны өдөр залуучууд спортын дэд сайд Адам Адли болон бусад хүмүүс тэмцээний бамбарыг дамжуулна.
Малайзын Залуучууд, спортын дэд сайд Ю.Б.Адам Адли Малайз дахь цахим спортын нөлөөний талаар хэлэхдээ: "Цахим спорт дэлхийн хэмжээнд болон Малайзад асар их хөгжсөн. Манай улсын видео тоглоомын салбар 2020 оноос хойш жил бүр дунджаар 8.9%-ийн өсөлтийг үзүүлсэн бөгөөд одоо Малайзчуудын 50 гаруй хувь нь идэвхитэй тоглогчид байна. Энэхүү хүчирхэг экосистем нь мэргэжлийн тамирчдаас эхлээд багийн эзэд, контент бүтээгчид, арга хэмжээ зохион байгуулагчид хүртэл олон төрлийн ажил мэргэжлийн бий болгодог. Хамгийн тод жишээ бол манай улсын тамирчин “Soloz” бол нэгэн цагт үндэсний MLBB тамирчин байсан, одоо хамгийн олон үзэгчтэй Малайзын контент бүтээгч, Team Vamos-ийн хамтран эзэмшигч, энэ жилийн M6 тэмцээнд Малайзыг бахархалтайгаар төлөөлөх болно." гэжээ.
Малайзын засгийн газраас цахим спортыг хөгжүүлэхээр 4.5 сая ам.долларыг төсөвлөсөний дагуу багт наадам тэмцээний төгсгөлийн тоглолтуудыг Малайзын Залуучууд, спортын яам дэмжлэг үзүүлэх юм.
2024 оны M6 дэлхийн аваргын тэмцээн дараах шатаар явагдана.
Wildcard шат 2024 оны 11-р сарын 21-24
Swiss шат: 2024 оны 11-р сарын 28-аас 12-р сарын 5 хүртэл
Хасагдах шат буюу Аваргын төлөө тоглолтууд : 2024 оны 12-р сарын 7-15
Монгол улсын баг тамирчид Wildcard шатанд харъяалагддаг бөгөөд, энэ шатанд оролцох шалгаруулалтыг ESN-esports network хоёр дахь жилдээ зохиож байна.
2023 оны Wildcard шатанд Lilgun баг өрсөлдөн, улмаар Дэлхийн аварга шалгаруулах Үндсэн тэмцээнд шалгарч байсан. Шилдэг 22 баг өрсөлдсөн Дэлхийн аваргын тэмцээнд 13-16-р байр эзэлсэн нь манай улсын тамирчид хэр чансаатай болохыг харуулж байна.
2024 он Wildcard шатанд бид The Mongolz байгууллагын ML:BB төрлийн баг, Geekay esports багийн тамирчин Б.Ананд “Xeno” нарын тоглолтыг харна.
Comments