Азийн Цахим Спортын (Asian Esports Games) 2024 оны тоглолтуудыг Mobile Legends: Bang Bang (MLBB) болон Arena of Valor (AoV) зэрэг хоёр гол төрлөөр нийт 500 мянга гаруй үзэгчтэй болсноор цахим спортын ертөнцөд өндөр амжилт үзүүлсэн байна.
Mobile Legends: Bang Bang – Цахим спортод эмэгтэйчүүдийн манлайлал
Цахим спортын ертөнцөд эмэгтэйчүүдийн төрлийг цорын ганц албан ёсны төрөл болгон зарлаж, Тайландын Цахим Спортын Холбоо уг тэмцээнийг зохион байгуулжээ. Esports Charts-ийн мэдээлснээр 18 цагийн шууд дамжуулалтын хугацаанд 326,125 дээд үзэгчидтэй, дундаж үзэгчдийн тоо 43,670 байсан байна.
Тэмцээн нь 2024 оны эмэгтэйчүүдийн цахим спортын хамгийн их үзэгчидтэй арга хэмжээ болсон бол удаах байранд MLBB Women’s Invitational (265,117 дээд үзэгчид) тэмцээн оржээ.
Индонезийн баг финалын шатанд Филиппиний багийг ялж, MLBB төрөлд аваргалсан байна. Тус тэмцээн нь 2024 онд MLBB-ийн хамгийн их үзэгчидтэй арга хэмжээ болсон бол өмнө нь MPL Индонезийн 14-р улирал 4 сая дээд үзэгчидтэйгээр рекорд тогтоож байжээ.
Arena of Valor – Тайландын амжилт
Arena of Valor тэмцээн нь 181,444 дээд үзэгчид, 37,230 дундаж үзэгчидтэй болж, 2024 оны AoV-ийн хамгийн их үзэгчидтэй долоо дахь тэмцээнээр шалгарсан байна. Тэмцээнд Тайландын баг түрүүлж, Вьетнам хоёрдугаар байранд оржээ.
AoV-ийн 2024 оны хамгийн их үзэгчидтэй арга хэмжээ нь Arena of Valor Premier League байсан бөгөөд 713,507 дээд үзэгчидтэй байжээ. Энэ онд гурван тэмцээн 500,000-аас дээш үзэгчидтэй болсон нь уг тоглоомын алдар хүнд өссөнийг харуулж байна.
eFootball – Хүлээгдэж буй үзүүлэлт
Энэ жилийн Азийн Цахим Спортын Тоглолтод eFootball төрлөөр тэмцээн болсон боловч үзэгчдийн тооны талаарх албан ёсны мэдээлэл хараахан гараагүй байна.
Азийн цахим спортын ирээдүй
Сүүлийн жилүүдэд Ази тив бүс нутгийн олон төрлийн тэмцээнүүдийг зохион байгуулж, олон улсын анхаарлыг татаж байна. 2026 оны Азийн Наадамд цахим спортын төрлийг сонгох ажлын хэсгийг Азийн Олимпын Зөвлөл энэ оны 7-р сард байгуулжээ.
Мөн 2025 онд Олон Улсын Олимпын Хороо Саудын Араб улсад анхны Цахим Спортын Олимп-ыг зохион байгуулахаар төлөвлөж байгаа нь цахим спортын ирээдүйд шинэ хуудас нээх үйл явдал болох юм.
Азийн Цахим Спортын Тоглолт цахим спортын ирээдүйд томоохон нөлөө үзүүлж, бүс нутгийн тоглогчид, багуудын чадамжийг олон улсад таниулах томоохон гүүр болж байна.
Comments