Пүрэв, 10 сар 28, 2021
top banner

PC тоглоомын газар

(Уншихгүй байх эрх Танд байгаа.)

PC тоглоом гэхээр л донтчихсон, хичээл номоо хийдэггүй гэх мэт нэг тийм тааруухан дүрслэл буугаад байгаа юмаа. Уг нь өөр л дөө. Өнөөдөр дэлхий даяар 250 сая хүн (залуучууд) тоглож, Олон Улсын Олимпын Хороо 2020 оны Олимпод оруулах уу үгүй юу гэдгийг хэлэлцэх гэж байгаа нь СПОРТ гэдгийн наад захын баталгаа.

Монгол залуучууд амжилттай тоглож, мэргэжлийн багууд олон улсын тэмцээнд оролцож байна.

Тэдний гаргаж байгаа амжилтад бидний адлаад байдаг PC тоглоомын газрууд маш их үүрэг гүйцэтгэсэн.

PC тоглоомын газар бол спортын заал. Тиймээ. Цаг аваад зааланд сагс тоглож, тэмцээнд  орохын тулд багаараа бэлтгэл хийдэгтэй л адил.

Нөгөө талаас PC тоглоомын газар үйлчилгээ үзүүлж, төлбөр аван, орлого олж байгаа гэдэг утгаараа бизнесийн байгууллага. Дүрэм журмаа ягштал баримтлан, хүчтэй компьютер, хурдтай интернэт бүхий цэвэр тохитой вакум орчинд үйл ажиллагаа явуулдаг газрууд олон байна. Сүүлийн үед “шөнийн цагаар ажиллахгүй, бага насны хүүхдүүдэд үйлчлэхгүй” гэсэн журам, “тамхины эсрэг хууль” гээд үр дүнгээ өгч байгаа зохицуулалт ч бас бий. Харин миний эмзэглэж явдаг зүйл гэвэл цөөн хэдэн хүүхэд залуучуудын үг хэллэг. Сонссон хүний чих тасарч унамаар байхад, хэлсэн хүний ам нь өмхийрдөг болов уу гэж бодмоор.

 Саяхан НЗДТГ-аас PC тоглоомын газруудыг хаах тухай шийдвэр гарсныг уншлаа.

За “Тун мэргэн шийдвэр” гэж үзээд хаачихлаа. Тас.

Одоо яах вэ?

Тоглоомын газрын (хамгийн бага нь) 10 компьютероо оруулж ирэхэд зарцуулсан хөрөнгө, зардал талаар болж, үйл ажиллагаа нь зогсон, банкны зээл, зээлийн хүүдээ идүүлж эхэлнэ. Тоглоомын газрын ажилтнууд, түрээслүүлэгч, компьютерын худалдаачид, компьютерын засварчдын ард байгаа хэсэг хүмүүсийн амьжиргаанд сөргөөр нөлөөлнө. Үйлчилгээ, худалдаа, цалин гээд энэ бүгдээс төсөвт цуглардаг татвар хорогдоно. Гэхдээ манай төсөв ч их сонин ш дээ. Галт уулын тогоо шиг юу орж, юу гарч байгаа нь мэдэгддэггүй. Гэхдээ шийдвэр  гаргасан хүмүүс нэг зүйлийг огт анзаараагүй бололтой. PC тоглоомыг интернэт байвал хаанаас л бол хаанаас, гэрээсээ, найзынхаа гэрээс, аав ээжийнхээ албан газраас ч тоглоно. Тэгэхээр тоглоомын газрыг хаах биш, харин зарим нэгэн зохицуулалт хийж, эцэг эхчүүд үр хүүхдүүддээ илүү цаг гаргаж, тэдэнд ойлгуулах, зөв хэрэглээг нэвтрүүлмээр байна.

Ю. Ариунзаяатhttps://esportsnews.mn/
Цахим спорт бол энэ зууны спорт.

Шинэ мэдээ

spot_img
Өмнөх нийтлэлДахиад л…
Дараагийн нийтлэлЦахим спорт ба ажлын байр

Холбоотой мэдээ

СЭТГЭГДЭЛ БИЧИХ

Энд сэтгэгдэл оруулна уу!
Энд нэрээ оруулна уу

spot_img