Лхагва, 5 сар 25, 2022
Бусад

    Esports Beijing: 7.7 сая долларын шагналын сантай дэлхийн аваргын тэмцээн айсуй

    5 сарын 20-нд Бээжин хотын удирдлагаас Бээжингийн 2021 оны Esport-ийн төлөвлөгөөг танилцууллаа. Уг төлөвлөгөөний хүрээнд “Esports Beijin 2021” цуврал эвентийг зохион байгуулах талаар зарласан ба Honor of Kings тоглоом гол төрөл нь байх болно гэдгийг мэдэгдэв. Honor of Kings-ийн тэмцээн нь дэлхийн аварга нэрийн дор явагдах бөгөөд шагналын сан нь 7.7 сая доллар байх аж.

    Тэмцээний тов нь 8 сарын 28 гэж төлөвлөгдсөн бөгөөд Бээжингийн үндэсний олимпийн цэнгэлдэхэд явагдах юм байна. Зохион байгуулагч Tencent, VSPN, KCC-ийн зүгээс тэмцээнийг 6300 орчим хүн үзнэ хэмээн төлөвлөж байгаа ажээ.

    Энэ оны 1 сард Honor of Kings-ийг хөгжүүлэгч TiMi Studios-ийн хувьд 154 сая долларын хөрөнгө оруулалтыг esport-д оруулна гэдгээ мэдэгдсэн юм. Энэ жилийн хувьд 7.7 сая долларын шагналын сантай хийж байгаа нь өмнөх жилийн шагналын сангаас 56% өссөн үзүүлэлт юм. Өмнөх жил 4.9 сая долларын шагналын сантайгаар дэлхийн аварга нь зохион байгуулагдаж байлаа.

    Мөн үүнээс гадна Бээжингийн цуврал тэмцээний хүрээнд CS:GO-ий IEM Beijing тэмцээн, Perfect World League RMR тэмцээн, мөн DOTA2 Perfect World тэмцээн, Funspark, Tencent’t Call of Duty тэмцээн зэрэг олон улсын хэмжээний том том тэмцээнүүд төлөвлөгдөөд байгаа аж.

    Шинэ мэдээ

    Холбоотой мэдээ

    СЭТГЭГДЭЛ БИЧИХ

    Энд сэтгэгдэл оруулна уу!
    Энд нэрээ оруулна уу